Mizo boxer, amateur lama hnuhma nei tha tawh Serchhip P&E Veng tlangval Vanlalringa chuan tun thla hian professional boxing a luhchilh tan dawn a. A vawikhatna atan November 21-ah a inhnek dawn.
Grassroot Boxing Promotions hnuaiah Bangalore-ah Vanlalringa hi a inlan dawn a, a khingpui tur erawh tih chian theih a la ni lo.
Vanlalringa hi kum 2013 khan Serchhip District Boxing Championship-ah Flyweight-ah senior men gold medal a la tawh a, kum 2017 khan gold medal hi a la nawn.
Mizoram State Sports Council leh Ministry of Youth Affairs & Sports hnuaiah Mamit a District Rural Competition-ah kum 2012 khan gold medal a la lo la tawh bawk.