NBA Regular Season : Chicago Bulls in kum 2016 November hnuah a vawikhat nan Los Angeles Lakers an hneh

Chicago Bulls tan an player lar pathum an chetha a, tun season a beiseina sang tak nena thlir team hian a vawi 10-na atan hnehna changin 121-103 in Los Angeles Lakers an hneh.

Chicago in nipui lai free agency an hmang tha a, team tha an duang. An lakluh thar zing ami vawi 4 All-Star ni tawh DeMar DeRozan chuan point 38 a score a, tun season-ah inkhel vawikhat a point a score hnem ber tum a hmang.

Point guard Lonzo Ball pawhin tun season a point a score hnem ber tum hmangin 27 a thawh a, Zach LaVine chuan 26 a score. Bulls hi game nga atanga vawi li an chakna a ni a, Staples Center-ah hian Thawhtanni khan Los Angeles Clippers an hneh tawh a, LA-ah a zawnin an chak.

Lakers bik hi November 2016 hnuah a vawikhatna atan an hnehna a ni bawk.
Lakers tan Talen Horton-Tucker chuan point 28 score in rebound vawi 6 a la a, Russell Westbrook-a’n point 25 leh assist vawi 8 a nei. Anthony Davis chu point 20 score in minute 28 chiah a khel a, third quarter-ah inkhelh lai atanga hnawhchhuah a ni.

Bulls star leh Lakers player hlui Ball chuan kuminah beisei an neihsan thu a sawi a. “NBA-ah hian team tha ber zing ami kan ni mekin ka hria. Hmasawn theihna kan la ngah a, kan kalkawng a la thui, mahse kawng dik kan zawh.” tiin an chak hnuah a sawi.

Leave a Reply

error: Content is protected !!