Chhinlung khuaah ka zin

  • Rev. L. Rema (9862860181)
  1. Chhinlung chungchanga Zofate tui halna :
    Zoram chhung leh pawna cheng Zofate hian kan tobul (Zofa Origin) hi chiang fek fawka, hria leh sawi thei hi kan vang hle mai a ; a tam ber chuan Chhinlung chhuak kan ni kan ti deuh ber a; Amaherawhchu Chhinlung chu eng nge ni a? Puk nge? Lungkua nge? Mihring hming nge? Khua hming nge? China Lal pakhat hming nge? tiin chianglo takin a tham ral mai mai em mi. A hming ah ringawt pawh hian chiang fek fawk a sawi thei kan awmlo hi Zofate tui halna pakhat chu a ni.
  2. Chhinlung chu khawiah nge a awm?
    Chhinlung chungchang sawi apianga bei tidawng tu em em chu Chhinlung awmna kan hre lo hi a buaithlak nalai tak chu a ni. History ziak tu \henkhat chuan, Chhinlung chu a awmna an hriat loh avangin, Chhinlung awmna ka hre lo ve ti mai lovin Chhinlung chu awm tak tak lo hmanlai pipute ti ti satliah ang chauhvin Mizoram Matrict zirlai bu (Mizo Subject) ah a ziak a, a pawi khawp mai. Chuvangin, High School (Pawl sawm) passed tawh, Zoram a kan sorkar officer’s te, kan sakhaw puithiam Pastor/Rev. te, College leh University zirtirtute leh a mi nawlpui hian Chhinlung awmna an hre lo. Chhinlung chu zofate tana, hlutna neilo/\angkaina neilo ang hial in Matrict zirlaibu a a chuang hi a pawi khawp mai. Chuvangin MBSE department te pawh hian helai thu te hi chu ennawn a va \ha ve aw ka ti mai mai \hin. Chhinlung chhuak kan pi leh pute kha chuan Primary School pawh raplo mahse, zofate \obul chu Chhinlung anih thu an sawi \hin, a dik in a rinawm em em a ni.
  3. Chhinlung a awm.
    Zofate zinga Hmar hnam hian duhlian \awnga Chhinlung kan tih hi Sinlung an tia. Chhin tih hi Sin tiin an hmang a ni. AD 800 vel bawr pawh khan Chhinlung a\anga thlang an tlak thu kha hla an lo phuah thlap mai a, hetiang hian,
    Hmar \awng
    Khaw Sinlung ah Kawt Sial ang
    Ka zuong Suaka mile nello tam e
    Hriaemni hrai ah

Lusei \awngin
Chhinlung khua atangin Sial a huanga a zuang chhuak angin, kan zuang chhuaka mihring fate an lo tam hle mai.
tiin Hmar hla hlui bu ah hmuh theih in a awm.
Tin Hmar pi leh pu te hian Sinlung khua atanga an ram thlang tlak lai hian Sinlung khua, an pianna ram an ngaih thu hla hmang bawkin hetiang hian an phuah.
Hmar \awng
Ka siengna Sinlung ram hmingthang
Ka nu ram, ka pa ram ngai, chawng zil ang ka kir thei chang siem,
ka nu ram ka pa ram ngai

Lusei \awng
Kan pianna, Chhinlung ram hmingthang
Ka nu ram ka pa ram ngei chu
Koh kir theih chang sela Aw ka ti \hin
Ka nu ram ka pa ram ka ngai……..

Khawvela hnam hrang hrang te hian, an hnam pian chhuahna, an \obul an thlah tute chanchin hi a chiang thei ang berin an history bu ah dik takin an ziak a, class V to X zirlai ten an hnam \obul (Origin) chu dik takin an zirin an hre hneh hle a ni. Keini zofate erawh hi chuan mahni \obul dik tak chiang fek fawk a sawi zar zar thei kan vang hle awm e.
Awle engpawh nise, Chhinlung chu a awm ngei a ni tih he Hmar hla hlui bu ah a lo chuang kiau mai hi zofa \obul Chhinlung hi a lo awm tak tak a ni tih a nem nghet chiang hle, chuvangin Chhinlung chu khua a ni tih pawh i hre nawn leh ang u.

  1. Chhinlung khua chu khawi ah nge a awm.
    Chhinlung hi khua anih chuan khawi ram ah nge a awm? tih hi lo chhui leh ta ila. Mizoram a\anga khawchhak ram ropui tak China ram Sichuan Province Garze District Yalong lui kam ah duhlian \awnga Chhinlung khua chu a awm a. Hmar \awng chuan Sinlung an tia tuna a khua a cheng Tibet ho pawhin Sinlung khua an ti.
    Awle, Zofate lo chhuahna Chhinlung chu khua a nih thu te China ram chhunga Sichuan Province chhunga Yalong lui kam ah a awm tih kan hre tawh bawk a. Khawnge khual pang zin tal in ka han kal teh ang tiin ni 22.2.2012 khan Venghnuai, Aizawl a\angin China ram Sichuan Province pan chuan ka chhuak ta hlawl mai a, Myanmar paltlangin China ram Yuman Province chu tluang takin ka thleng a, Chanchin \ha a ka rawngbawlpui China Pastor Yanjinfua chu Chhinlung/Sinlung khua Sichuan Province a awm chu han tlawh turin ka sawm ta chawt mai a, Pastor hian a bial leh a nupui fanau kalsanin, Chhinlung khua tlawh tura ka sawmna chu min yes pui ta chu, Pathian thil rel dan hi ava mak em, tih hla kan thunawn awn awn mai a ni.
    Tichuan harsatna lutuk awm lovin Chhinlung khua chu 19th March, 2012 tlai lam dar 6:15 pm khan Chhinlung khua a Hotel pakhat ah kan lut ta rawih mai a, kan thlen veleh hah pawh sawi thei lovin ka \hianpa Pastor Yanjinfua nen Pathian hnenah lawmthu sawi \awng\aina kan hmang a.
    Note – Chhinlung khua ka zinna video hi Youtube ah “Chhinlung lamtluang” tiin type ula a movie in a hmuh theih ang, evidence atan.
    Awle, kan Chhinlung zin kawng chhuk chho tak chu kan sawi vek seng lo ang. Kan ziak chhuak vek seng lova. Amaherawhchu Chhinlung kan hriat dan, a awm leh awm loh thu ah te, Sinlung leh Chhinlung tih thu ah chuan kan ngaihdan tlangpui sawh sawn a \ul pawh a sawh sawn ngam turin, sahuai thing vawn tlat lovin pen khat talin hma i sawn ang u.
  2. Chhinlung khua kan fang.
    Chhinlung khua kan fan chungchang hi kan sawi kim thei dawn lova a tlangpui chauh aw.
    Ni 20 March,2012 .Nilai a ni a, China sana ah chuan zing dar 6:30 am ah kan thova Sinlung/Chhinlung khua chu a lo eng ruih mai a, a vawt em em mai bawk nen; Chhinlung leilung kan rap ringawt pawh kha ka thinlung chhungril tak atangin hlim leh lawmna in ka khat a, ka thianpa China Pastor Yanjinfua nen zing nichhuak engmawi tak kar ah Yalong lui kam thingpui dawr pakhat ah kan lut a, thingpui in pah in vawin Chhinlung khua kan fan dan tur te programme tlangpui kan sawi dun a, video camera pahnih kan ken te pawh kan ak chhuak a, kan phur dun khawp mai.
  3. Yalong lui kamah ka ding.
    Chhinlung khawlai a luang Yalong lui zawh thlain ke in khau kan fang tan a, Yalong lui kanna concrete bridge hmun thum lai ah an dawh a, a thlang ber lei bul Yalong lui kam a dingin thu tawite ka sawi a. Hetiang hian (a) A hmasa berah chuan Pathian hnenah mumang pawh a kan la man phak loh zofa te lo chhuahna Sinlung/Chhinlung leilung chu ke ngeia rap thei tur a min hruai thleng Pathian hnenah lawmthu sawina ka nei hmasa ber a ni.
    (b) Zofate \obul Sinlung/ Chhinlung khua zofa te zingah thleng hmasa ber ka nih thu te Yalong lui kamah dingin thu ka sawi bawk a ni.
    (c) Sinlung/ Chhinlung ka thlen theihna tura min hruai thleng tu China Pastor Yanjinfua hmaihma ah lawmthu ka sawi bang thei lo bawk.
  4. Sinlung mual zawl ah kan leng.
    Sinlung/ Chhinlung khaw mawng Yalong lui kanna concrete lei sei ve deuh chu kan zawh phei a, kawngpui kan thleng a. Sinlung mual zawl pan tur chuan steps ah kan chho va, mual zawl ah chuan hmanlaia mi huaisen Amry General Lianhua a lim sakawr chunga chuang lai a ding luah mai a. Tun thlengin Lianhua a lim hi Sinlung khua luahtute hian an hlut in, chawimawina pangpar mawi tak tak an la hlan reng \hin a ni.
    Tin Sinlung/Chhinlung khua ah hian Tibet hnam Dalai Lama Buddhist sakhaw bia te an tam ber.
    Awle, Sinlung/ Chhinlung khuaa kan cham chhung hian hmanlai kan pi leh pu ten an lo luah laia mitthi an phumna thlanmual kan tlawh a, kan pipute an thlang tlak hma khan mumal takin thlanmual an lo nei a, an thlang tlak hnu a Sinlung khua luahtute hian vawin ni thlengin tumah he thlanmual ah hian an phum thiang lo. China sawrkar in a enkawltute dah in fai tak leh thianghlim takin an vawng fai a ni. Thlanmual photo hi Chhinlung chhuak Zofa tih lehkha bu ah a chuang a, a mamawh tan Synod Bookroom ah a awm.
  5. Sinlung Rial ka ei.
    Sinlung khua kan cham ni hnih naah chuan zing ni chhuak eng mawi tak mai hian Yalong lui dung chu a rawn chhun eng ruih mai a. Yalong lui hnar lam atangin lui mawng lam ah ka thianpa China Pastor Yanjinfua nen chuan kan chhuk thla leh a. Minute 15 vek kan kal chuan lui lian vak lo (lui te) hmar lam atanga rawn luang thla chuan Yalong lui a rawn finna hmun kan thleng thla a. Chu lui te a kam tawn tawnah chuan Metal Road kawngpui tha tak mai hi a awm a. Kan veilam panga kawngpui chu kan zawh chhova kawngpui sirah chuan chenna in an sa tlar ve thlap mai a. Thui pawh kan la kal hmain building lian ve deuh sen ver vur Jail In hi a lo awm a. Kan kal chho zel a thing zaina hmun te, buh herna khawl te, leh sangha khawina dil lian ve deuh te a lo awm a. Kan chho zel a Sinlung khaw dai a ni tawh mai a, bawng, sial, beram leh kel te an vulhna hmun kan thleng a. Remchang tak maiin chawlhna tur thingpui dawr kan thleng chu bawnghnute leh artui te kan ei ve a. A tui khawp mai, minute 30 vel kan chawlh hnu chuan lui lehlam kan panin thing leihlawn chu kan zawh kai a. Yalong lui lam panin kan chhuk thla leh ta a. Lui te in Yalong lui a finna kan thleng hman chiah tihah chuan thli a rawn telh thut mai a. Khua a rawn thim khup khup a. Ruah a rawn sur nghal buan buan mai a. Keini pawh a hnai ber in bathlar ah kan tlan lut a, chuveleh rial a rawn tla ta pawp pawp mai a. Sinlung rial sinlung rial tiin ka zuang chhuak a. Rial chu ka chhar a, ka ei nghal bawrh bawrh a. Zofa te zinga Sinlung rial ei hmasa ber ka ni ta ringawt mai.
    Tun tum atan chuan duh tawk hrih phawt ila sawi tur leh ziah tur ala tam a, kan ziak seng dawn lo Covid 19 hmai tuam te kut silfaite kha ngaipawimawh ila. Hand Sanitaizer i hmang uar bawk ang u. Tichuan Sinlung khua zin thu, dam takin ka sawi leh dawn a ni.

Leave a Reply

Your email address will not be published. Required fields are marked *

error: Content is protected !!