Supermodel Bella Hadid chuan midang hriat loh a rúka mental health a buaipui dan te bakah rilru chau leh ngui taka vawi tam a awm fo thin thu a puangchhuak.
Instagram-a follower maktaduai 47 chuang neitu hian rilru lama harsatna neite chu ‘an mahni chauh’ an nih bik loh thu-a fuihin, tleirawl a nih lai atang tawha depression nasa tak nei leh anxiety-in tun thlenga nasa taka a tihbuai fo hian chhel taka hmalama beiseina awm chu thlir ngam turin a chah bawk.
Mahni insitna, inthiam lohna leh anxiety awm-chhan tam tak zinga pakhat social media hman chung-changah pawh kum 25 mi hian thurawn a pe bawk. “Social media hi thil tak tak a ni lo. Harsatna vanga talbuai mekte khan lo hria ang che u.. nangmahni chauhin in tuar lova, in dinhmun anga ding a, nangmahni hrethiamtu che u an awm.
Hei hi hre tel la
“Vawi tam tak ngui leh chauin ka awngrawp tawh. Hei hi hria ang che. Nangmah insiamthat leh indinthar lehna tura theihtawp i chhuah phawt chuan i harsatna thlentu te, nguina thlentu leh chauhna petu che i hrethiam nghal mai dawn a, chuta tang chuan talchhuahna leh dinchhuahna kawng pawh i hmu chhunzawm mai ang.
“I tawrhnaah khan vui vai mai lovin, hriatthiam tum la, zirchiang thin la, a enkawldan turte nen lam i man thiam mai dawn a ni,” tiin Bella Hadid hian a sawi.