Motor ruih loh dan

HRISELNA HUANG:
Motor ruih loh dan
by Dr. Thangchungnunga

Tunah chuan kan changkang ta a, tumah ke-a kal tum, a bikin Veng kar leh khaw kar phei chu kan tum ta lo ni berin a lang a. Chu-tih laiin motor rui kan tam em em a, hei hi thil hreh-awm leh buaithlak tak a ni.

Thlawhna te, Rel te pawh a ruih theih theuh va, hetiang hunah hian mahni ngaihdan mai maia kal kan tum hle.

A thenin tunhma motor ruih venna, “Avomin” mum te an ei a, a then pum ruakin an chuang a, mut a chhuak a, nuam lo deuhin an thleng ve thin.

Kan ruihna chhan hi kan beng chhungah hian Level
controltu tui a awm a, chu chuan a nihna tur anga level a siam zung zung hman loh chuan motor kan rui ta thin a ni.

Pumpuiah Acid a lo tam phah bawk a, petrol, diesel, vaihlo rim te a nam tel phei chuan ruih a awl em em thin.

Aw le, motor in chuang a, a ding thut a, a kual a, khatiang hunah khan ruih a awl a. Hemi level, luhai vengtu hi a chak lo a nih chuan rei lo teah luak a chhuak nghal mai thin.

Taksa hrisel tha deuh chu a chhuak lem lo a, a pawi-mawh chu luak tur nei renga awm tur a ni.

I luak vak a nih pawhin tui tam deuh in lui thin la, kan luak hian pumpui hi puan a suk sawr ang hian a insawr ve a, luak tur nei si lo a, i luak a chhuah si chuan amah leh amah kha a insawr thin a, thia luak te pawh a awm fo mai.

Motor chuan dawnah chawi ei puar a, tui tam tawk tak pai a, luak apianga in leh zel mai a nih ber chu.
Damdawi hi a tam ber chuan an ruih loh phah bawk. Motor i chuan hma darkar chanve velah heng dawidawi te hi ei rawh.

Zenetac 300 tab mum khat
Vertidon tab mum khat
Emigo tab mum khat.

A pathumin ei rual thawt la, mut chhuak lo leh motor rui lovin i thleng ve thei ang. Nilenga motor chuang tur i nih phei chuan kawng lakah pawh ei leh mai tur.
Tunhmaa Avomin an ei thin kha mut a tichhuak a, a nuam lem lo. Chuvangin motor rui thin i nih chuan lo ti ve chhin teh.

Leave a Reply

error: Content is protected !!

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427