Ramria chet lakna thulh bik lo turin hriattir


Home Minister Lalchamliana chuan Assam leh Mizoram ramria hmasawnna hnathawhte thulh bik lo turin nimin khan Kolasib leh Mamit DC-te a hriattir.
Nimina State Boundary Committee thutkhawmah Lalchamliana chuan Assam lamin an chan lamah hmasawnna hnathawh a thulh bik si loh avangin Mizoram lam pawhin hmasawnna hna thawh thulh bik lo turin Kolasib leh Mamit DC-te a hrilh thu a sawi chhuak.
Ministry of Home Affairs atanga thu an hmuh angin Mizoram sorkar hnuaia home department chuan November 8 khan district bawrhsap pahnihte chu ramria hmalaknate titawp turin a hriattir.
Mizoram leh Assam ramri hnaia status quo kalpui tura thupek siam hi pawl hrang hrangin an dodal a, sut turin sorkar an ngen hial a ni.
Hetianga dodalna a awm karah nimin khan Home Minister Lalchamliana hian Mizoram ramria hmasawnna hnathawh te thulh bik lo tura bawrhsap pahnih a hriattir thu hi a sawi chhuak ta a ni.

Leave a Reply

error: Content is protected !!