Ruah vanga harsatna tawk chhawmdawl turin phut


Tun hnai Airuah sur nasa tak avanga Mizoram khawchhak lama harsatna tawk kuthnathawktute chu sorkarin chhawmdawlna pe turin Congress party chuan an phut.
An thuchhuahah MPCC chuan Champhai leh Mizoram khawchhak lam, |iau kam hmun tam tak bakah Khawzawl district leh hmun dangahte tun hnai Airuah avanga tui lianin buh seng tur nei lo tam tak an awm bakah lo neitute thlasik thlai chin mek chi hrang hrang leh thlai chinna hmunte a tihchhiatsak nasa hle a. Sangha dil leh leilet buh zinga an sangha khawite pawh tui lianin a chim avangin sangha tam tak an chân avanga harsatna tawkte dinhmun dik tak zirchiang tur leh chhiatna thleng avanga an chân tak zawng zawngte chhut chhuahsaka chhawmdawlna a rang thei ang bera pe turin MNF sorkar an phut thu an sawi.
Krismas hma ngeia kuthnathawktute manganna chhawk zangkhai a nih theih nana hma la turin MNF sorkar an beisei thu Congress party hian an sawi a. Kuthnathawktu tam takin hah taka kumtluana an enkawl an thlai chinte pawh seng thei lo leh seng tur nei lova an awm chu pawi an tiin, an tawrhpui takzet thu an sawi bawk.

Leave a Reply

error: Content is protected !!

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427