US vice president hlui Mike Pence-a adviser ni thin chuan an hun lai khan White House office chhunga Taylor Swift hla a play vangin hna atanga ban thlenga vau a tawk hman niin, a sawi.
MSNBC-in a kawmnaah Olivia Troye chuan Trump sorkar hnuaiah khan hripui kaihhnawih thila inlungrual lohna leh inhnialna nasa tak a awm thin a; homeland security, conterterrorism leh coronavirus adviser a nihna anga a thu leh hla te chu ngaihsak a hlawh lo mai ni lovin, Trump khan a hnawl fithla thin, a ti bawk.
|um khat chu inhnialnaa chak loh vanga inthawi dam nan tia ama office-a Taylor Swift hla a play hnu rei vak lovah a thawhpui pakhat chu a rooom-ah lo lutin, ‘I hna atanga ban i tum em ni?’ tiin a zawt phawng a ni awm e.
“A zawhna khan min tibuai hman hle a, a ngaihna pawh ka hre lo hle. Meeting-a thu inhmuh loh vang nge ni a, engvanga kha zawhna kha min zawt nge a nih? ka tih chuan, ‘Trump duh lohtu langsar zingah Taylor Swift a tel a, mi tu emawin i hla play hi an hriat chuan a pawi thui ang. I fimkhur a ngai dawn a ni’ tiin min hrilh,” a ti.
MSNBC kaltlanga amah kawmtu Chris Hayes hmâah hian an dinhmun leh boruak chu a rit tluan parh a, music a duh leh duh loh chung-changah zalenna zau tak a nei a, engpawh ngaihthlak theihna chanvo a neih thu uar takin a sawi bawk.