Awihawm loh khawpa nain min nuai leh mek : Merkel

Germany chu Covid-19 thawh lihna chuan awihawm loh khawp/lemchan chawp ang hiala naa a nuai mek thu Chancellor Angela Merkel chuan an state hotute nen an inkawmnaah a sawi.
Nilaini khan Germany-ah hian hri kai mi 52,826 hmuh chhuah niin ni khata a tam ber tum a ni a. European sorkarte chuan an huam chhung theuhva a kai an pung leh mek hi beih let dan an dap mek hlawm.
Germany-a hri leng thihpui zat hian UK a la phak lo nasa hle a; mahse, darkar 24 liam ta chhungin mi 294 thi awmin Merkel-i hian intensive care unit-a khumte chu luah khah a nih thu a sawi.
UK-ah hian hri an kai tih finfiah a nih atanga ni 28 chhunga thi awm thar hi darkar 24 chhungin mi 201 an awm a. Nilaini khan mi 38,263-in an kai belh leh bawk.
Merkel-i chuan invenna pek chak a tul thu a sawi nasa hle a, “Dose khatna lak nan pawh a la tlai chuang lo,” a ti.
German state tam zawkah hian invenna late chauh vantlang hmun hrang hrang – bar, cafe, hairdresser leh gym-ah luh phal an ni.
Merkel-i kaihhruai sorkar hi Social Democrats, Greens leh sumdawngten an thlawp tangrual sorkarin a thlak fel tep tawh a. Anni hi Covid-19 laka inkaihhruaina kalpui dan tur thar ruahmanna nei saa insawi an ni.

Leave a Reply

Your email address will not be published. Required fields are marked *

error: Content is protected !!