Higher Secondary School Lecturer Association (HISSLAM) chuan nimin khan Annual General Conference vawi 22-na an hmang. Dr Lalzirmawia Chhangte, IAS, Secretary, School Education department chuan khuallian niin he hun hi a hmanpui.
Dawrpui Multipurpose Hall-a hun hmanah khuallian Dr Lalzirmawia chuan thu sawiin, curriculam leh syllabus thiam tir piah lamah mi puitling, chawr tlak chher chhuak thei tura \an la zual turin kalkhawmte a fuih a. NEP 2020 anga thil thar lo chhuak mila inher rem thei tur leh tuna facility neihsa ang angte hmanga hmasawn thei turin zirtirtute \an la zual zel turin a chah bawk.
Chawhnu lamah rorel inkhawm leh sum dinhmun report te ngaihthlak a nih bakah kum 2021-2023 chhunga HISSLAM hruaitu thar tur thlanna neih a ni a. President atan Vanlalzuata, V/President-ah C Laldinliana, Gen. Secy-ah Hrathmingthanga, Asst Gen Secy-ah Kapzauva, Treasurer atan Lalbiakmawii Hmar leh Fin Secy atan Lalthanmawia Ralte te thlan an ni. HISSLAM ah hian member 465 an awm mek a ni.