MF&AS officer ten sorkarin revenue tam zawk a lakluh theih nan institutional financing model mumal siam an rawt

Mizoram finance and accounts service association (MFASA)-in nimin khan Aijal Club-ah annual general conference an hmang a. Deputy chief minister Tawnluia’n a hmanpui.

MF&AS officer khawmpui chuan Mizoram sorkarin revenue tam zawk a lak luh theih nan institutional financing model mumal tak siam ni se, an ti a. An service inzarpharh leh tihlen dan turte, an service hmasawnna tur kawng hrang hrang te an sawiho bawk.

Deputy chief minister chuan MF&AS officer te chu Mizoram sorkar sum enkawl hna (financial management) an kuta a awm avangin rinawmna nena thawk tur leh service hrang hrang te nen thawhhona tha a awm theih nan entawntlaka awm turin a fuih a. An hnathawh leh mawhphurhna san zia hriaa mipui leh sorkar tan ‘eng thil thar nge ka ngaihtuah chhuah ang’ tih rilru pu tura chahin, state dang leh ram changkang zawk te hmasawnna hnathawh te zira, Mizoram tana lakluh theih ve dan a awm em tih te zawnga hma la turin a fuih bawk a ni.

Leave a Reply

Your email address will not be published. Required fields are marked *

error: Content is protected !!