An chenna Tamil Nadu state huam chhunga nupui hmu zo mai lo Tamil Bhramin 40,000 chuang-zet te chu nupui zawng turin hmun hla zawkah an fehchhuak dawn ta.
Brahmins ang pawha buaipui tham an nih tawh avangin kawppui an hmuh thuai theihna turin beihpuithlak a ni dawn a, a thawhkhat nan Uttar Pra-desh leh Bihar an hrut ang.
Thamizhnadu Brahmin Association (Thambrass) president N Narayanan chuan an pawl chanchinbu tunthla chhuakah open le-tter meuh thawnin a tarlang a, nupui mamawhna a san tawhzia chiang takin a lang mai awm e.
Hetih lai hian, educationist M Parameswaran chuan ngaihdan hrang neiin, “Tamil Brahmin mipa 40,000 (Kum 30-40) te tan Tamil Brahmin hmeichhia mamawh tawk an awm mai lova, nupui hmuh zawh loh chhan bul ber leh kaikuang ber ni zawk chu hmeichhe lam chhungte’n inneih senso hautak an buaipui tur laia zawk hi a ni. Mipa lamin inneihna puitham leh ropui tak an beisei thuap mai bawk si a. Engvangin nge mipa lamte hian hall lian tak tak an tinzawn fur mai le? Senso hautak lo leh pangngai takin inneih a theih loh em ni? Temple leh In ah te pawh…” tiin zawhna in a tlip.
Parameswaran sawi zel danin, hmeichhe lam chhungte’n inneih senso pumpui tih mai tur hi an tum tur a nih avangin a hautak. Ropui leh puitham taka kalpui hi midangte hmuh leh hriata an dinhmun pholannaah an ngaih miau avangin a vanduaithlak hle. He community hian hmasawn a mamawh a, a hautsak zawnga kalpui chin hi a hnawl a hun ta, a ti.