Ruah sur nasa vanga tlawhpawh theih loh British Columbia-ah emergency

Canadian khawthlang lama British Columbia chu ruah nasa takin a nuai hnuah kawngpui leh ral hmanga tlawhpawh theih a la ni lo chhunzawm zel a, emergency pawh puan a ni ta.
Canadian Armed Force-te chu Pathianni zan zankhuaa ruah sur avanga tangkhang mi sang telte hmun hima suan chhuak turin an thawk chhuak \an.
Prime Minister Justin Trudeau chuan Washington DC a tlawh mekna a\angin puihna awm theih ang ang ngaihtuahsak an nih tur thu leh sipaite pawhin thil chhiate siam \hat hna an thawk dawn tih a sawi.
Lei min avangin hmeichhe pakhat a thi a, mi dang pahnih chin hriat lohvin an la awm bawk.
Thla khata ruah an dawn ang zat zet ni khata an dawn hnuah lui zawng zawng a lian a, hmun sang lam a\anga hnawl len chhuah leh hnawk pawh then tham fe a awm.
Thuneitute chuan an chhiat tawh chu sik leh sa inthlak nasa lutukin a ken pakhat a nih thu an sawi.
Sik leh sa inthlak nasa avanga thleng a ni em tih erawh a chianna a awm lo va; mahse, tuipui chunga boruak a lum a, hei hian hurricane, cyclone leh typhoon insiam a tiawlsam zual a. Hei hian ruah sur tam uchuak pawh a thlen thei.
Khawvel pum hi industrial era aiin 1.2°C chuang mahin a lum tawh zawk a, khawvel ram hrangin khua tilum zual thei thil tihchhuah \hinte titlem tura hma an lak loh chuan a lum zual zel dawn a ni.

Leave a Reply

error: Content is protected !!

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427