Brazil-a ngawpui, Amazon rainforest chu kum 15 chuang hnuah nikum kha thiah a nih nasat ber kum a ni tih sorkarin a chhinchhiahnaah tar lan a ni.
Brazil-a space research agency (Inpe)chuan kum khat chhungin ram ngaw thiah hi 22% zetin a pung niin a sawi.
Brazil ram hi COP26 climate summit-ah khan kum 2030-a ram ngaw thiah titawp tura intiam zinga mi a ni.
Amazon hi rannung leh thing chi hrang hrang maktaduai thum chuang bakah a chhungah hian mi maktaduai khat vel cheng anga ngaih a ni.
A ram ngaw hi oxygen siam chhuahna hmunpui ber niin khawvel lum chak lutuk tur tiziaawm thei tura khawvel vauchher a tling.
Sorkarin a chhinchhiah dan chuan 2021-21 khan ram ngaw sq km 13,235 zet chân a ni a, kum 2006 hnu lama kum khata thiah zau ber tum a ni.
Environment Minister Joaquim Leite chuan an data neihin a tar lan chu ‘chona’ a tlin thu a sawi a, “He thil hi chak zawka kan nawr a ngai a ni,” a ti a. An data chuan tun hnai thla eng emaw zat chhunga thil thleng mai a entir lo tih a sawi bawk.
Amazon ram ngaw tghiah hi President Jair Bolsonaro-a hunah hian a nasa zual a, ani hi ramngaw chhunga lo neih leh thil laih chhuahna lam kalpui duhtu zinga mi a ni.
Ram ngaw thiah chungchangah hian Inpe nen hian an lo inbauh fo tawh bawk.
Hetih lai hian November-a Glascow-a climate conference-ah khan Brazil hi ram ngaw thiah titawp tura intiam zingah a tel.
Nikuma Greenpeace-in an chhuinaah chuan Amazon thiah leh British supermarket leh thingpui dawra ei tur hralhte chu an inzawm tih an lo hmu chhuak tawh.
Chhuinaah hian Tesco, Asda, Lidl, Nando’s leh McDonalds ten UK spplier hnen atanga sa an hralhte hi Amazon-a bekang lam chi chinna hmuna thar hmanga chawm niin an sawi chhuak.