President’s Cup 2021 : Final khel tur chin fel a ni dawn

Vawiinah President’s Cup final khel tur a hriat dawn a. Semi-final hmunruak pahnih hnawhkhat turin Ramhlun Venglai CC leh Armed Veng CC ten Zirtawpni khan an khingpuite ve ve an hneh.

Suaka Cricket Ground a inkhel hmasa zawkah Ramhlun Venglai in Bawngkawn South Cricket Club an hmachhawn a, wicket 7 in an hneh.

Vuak hmasak tir Bawngkawn South tan opener Malsawmdinpuia chuan run 45 a siam a, R. Lalthakima’n run 20 a thlawpin an pahnih hian an team run siam zahve aia tam an thawh a. Run 110 an siam.
RVL tan Vanmalsawma chuan wicket hnih a la a, bowler dang pathumin wicket khat theuh an la.

Ramhlun Venglai in over thumnaah wicket hloh mahse Joseph Lalthankhuma a luh hnuah an dinhmun a him a. Ball 45 atang run 50 siamin a tawp thleng a dam a, over 17-ah wicket thum chiah hlohin run 114 an tlin.

Inkhel hnuhnung zawkah Armed Veng Cricket Club in wicket sarih thovin Lily Cricket Club an hneh a. Harsatna lian tawk lovin semi-final an inhlangkai.

Vuak hmasak thlang Lily Cricket Club tan Lalfakawma Varte chuan run 32 a siam a, over 18.4 chhungin run 83 chiah an siam. Armed Veng bowler pali in wicket hnih theuh an la a, Lily CC bowler-te an hrek hneh.

Armed Veng in run an siam hma in an opener chan nghal mahse J. Chakma leh Arbin Shahi te an chetthat vangin over 13.1-ah run 84 an siam.

Lily CC bowler zingah Prakash Kumar Ray chuan wicket hnih a la hman bawk.

Vawiinah semi-final hi khelh nghal tur a ni a. Inkhel hmasa zawkah Chhinga Veng CC leh Chanmarians CC te dar 9-ah an intum anga. Dar 12:30-ah RVL leh Armed Veng te an ihkhel ang.

Presidents Cup 2021

Ramhlun Venglai Cricket Club vs Bawngkawn South Cricket Club

Suaka Cricket Ground, Sihhmui, Aizawl, |20 Ov.| November 19, 2021

Toss: Ramhlun Venglai Cricket Club in vawm an thlang

Bawngkawn South Cricket Club 110/6 (20.0 Ov)
Malsawmdinpuia 45(47)
R. Lalthakima 20(29)
R. Lalhlimpuia 10(11)

Vanmalsawma 2/32 (4)
Joseph Lalthankhuma 1/15 (4)
Remruatdika Ralte 1/12 (4)

Ramhlun Venglai Cricket Club 114/3 (17.0 Ov)
Joseph Lalthankhuma 50* (45)
Reuben Lalhruaizela 16(12)
Lalhmachhuana 14(28)

R. Lalhlimpuia 1/10 (3)
Denish Lalremruata 1/22 (4)
Lalmalsawma Khawlhring 1/20 (3)

Ramhlun Venglai Cricket Club wicket 7 in an chak

Man of the match : Joseph Lalthankhuma (Ramhlun Venglai Cricket Club)

Lily Cricket Club vs Armed Veng Cricket Club

Suaka Cricket Ground, Sihhmui, Aizawl, |20 Ov.| November 19, 2021

Toss: Lily Cricket Club in vuak an thlang

Lily Cricket Club 83/10 (18.4 Ov)
Lalfakawma Varte 32 (33)
Prakash Kumar Ray 17 (24)

Arbin Shahi 2/8 (3)
Sawmtea H 2/11 (4)
H. Lalchhuanawma 2/15 (4)
Lalsangzela 2/19 (3.4)

Armed Veng Cricket Club 84/3 (13.1 Ov)
Arbin Shahi 32* (24)
J Chakma 32 (32)

Prakash Kumar Ray 2/23 (4)
Lalawmpuia Sailo 1/17 (3)

Armed Veng Cricket Club wicket 7 in an chak

Man of the match : Arbin Shahi (Armed Veng Cricket Club)

Leave a Reply

Your email address will not be published. Required fields are marked *

error: Content is protected !!