SRDC huamchhunga khaw 6-ah in 1655, mihring 9997 an awm

Sialkal range development council (SRDC) area baseline survey bu chu SRDC chairman L. Thangmawia’n a tlangzarh a, baseline survey hna thawhsaktu Lalthlamuana Ralte chungah lawmthu a sawi.

SDRC area baseline survey report-a a lan danin SRDC huamchhung khaw 6-ah in 1655 awmin, mihring 9997 an awm a. In 1655 zinga 119 te chu a chung Thilthek leh Di a la ni a, lo neia eizawng za-a 70 vel la awmin, khawtinah ziak leh chhiar thiamlo za-a 5.65 atanga za-a 13.05 inkar an la awm. Pawl sawm pass, graduate zo ta lo an tam hle a, infant mortality rate a la sang hle. SRDC area a chhungkua za-a 75 velin thlakhatah Rs. 10,000 aia tlem an lalut bawk.

Tunkar Ningania SRDC thukhawmin kum 2022 atangin SRDC huamchhungah faina beihpui thlak an rel a. SRDC huamchhung khawtina a bul tan nan khaw chhung tifaia hnatlangpui neih rawtin, ruahmanna an siam nghal.

Faina beihpuiah hian SRDC huamchhunga tlawmngai pawl hrang hrangte nen thawhho tha an ti a, a tul anga tlawmngai pawlte lo berawna, hma lo la turin SDO (Civil) Ngopa, SRDC member secretary ni bawk Vanlaltanpuia an ruat.

Mizoram sorkarin SRDC member secretary office awmna khua Ngopa Town-a a puan avanga lawmawm an tih thu SRDC chuan an sawi a. Faina kawnga Ngopa khuain nasa taka hma an lak mekna tanpui nan Rs 50,000 pek an remti bawk.

SRDC logo chhawpchhuah pawmin, an hmang nghal a. Literature leh cultural lamah hma thar lak remtiin, remchang hmasaberah cultural meet puitham taka buatsaih an rel a. SRDC area History leh culture chungchanga research project kalpui turin Dr Zoramdinthara, Associate Proffessor, MZU hnenah Rs 5,00,000 research project pek an remti.

SRDC huamchhunga lumpsum GIA higher secondary school awmchhun Mimbung HSS chu dinhmun tha zawka Mizoram sorkarin a dah hma atan kumtin Rs 2,00,000 grant-in-aid pek thin an remti a. SRDC huamchhunga sorkar sikula zirtirtu indaihlohnaah te SRDC fund atanga zirtirtu rawih mek pawmin, a tul anga chhunzawm zel an remti bawk.

SRDC area huamchhunga damdawiin awmchhun Mimbung PHC chu SRDC fund atangin X-Ray leh khawl dang pawimawh kumtharah dah tur leh health sub-centre te tihchangtlun an rem ti a. SRDC member Dr ZR Thiamsanga kaihhruai SRDC huamchhunga hriselna lama hma thar lak dan tur ngaihtuah tura din sub-committee rawtna te tihhlawhtlin an remti bawk.

SRDC huamchhunga chenna in chhe zualte in sak sakna turin housing scheme kumthar atanga kalpui an remti a, in pakhat sakna atan Rs 1,20,000 zel pek turin an ruahman.

Leave a Reply

error: Content is protected !!

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427