Assam-a inkulh mek 3rd IR Mizo Battalion te chu hnam dang zinga khawsa an nih angin missionary rawngbawlna anga ngaia an hna thawk zel turin School Education Minister Lalchhandama Ralte in a chah.
Pathianni khan Lalchhandama Ralte hian Mangaldoi, Assam a 3rd IR Mizo Battalion te an awmna hmunah a tlawh a. Thu sawiin, 3rd IR Mizo Battalion te chanchin ngaihthlak nuam tak tak an lo hriat \hin thu te, an awmna hmuna thil \ha tak tak tia an luangchhuak \hin chu lawmawm a tih thu leh ram pawna Mizote hmel timawi \hintu an nih thu a sawi a. An awmchhan ang taka duty \ha taka hlen turin a fuih.
Minister hi Regional Education Conclave hmanga Guwahati a cham mek a ni a, 3rd IR Battalion Christian Fellowship te inkhawmna hmanpui pahin an awmna hmun leh sipai awmte hi a tlawh a. Mangaldoi ah hian 3rd IR Battalion Commandant B.Laldikpuia, MPS in a lo dawngsawng a ni.