Billboard 200-a Kar 400 chhunga album pahnih hmanga lang thei hmasa ber leh awmchhun ni turin Drake a dingchhuak ta.
Rapper lar tak hian ‘Take Care (2011) leh ‘Nothing Was The Same’ (2013) album pahnih chu a chetthatpui hle a, a hniakhnung zui a, a dinhmun anga chuangpha tur chuan beih fat fat piah lamah vanneih tel a ngai tawh ang.
‘Take Care’ album phei hi chuan kar 454-na hmel a hmu der tawh nghe nghe a, Kendrick Lamar album, ‘Good Kid, M.A.A.D. City’ (2012) a phak lohna kar 18 vel bak a ni lo. Kendrick album hian hip-hop history-ah chart kai rei ber nihna a chelh mek.
Kumin kumtir khan Drake hian Billboard-ah record dang a lo siam tawh bawk a, top position pa-thum-a debut hla nei thei zaithiam hmasa ber a ni.