JEANS hi khawvela thawmhnaw hralh tla ber nihna kum 100 chuang lo hauh tawh a ni a, kekawrtlawn, fenarh leh jacket thlengin Jeans hian hmun a luah hle. Khawvel ram tina thawmhnaw hak hlawh ber a nih theihna chhan eng nge tiin zawt dawn ta ila, “A mawina leh tlona” hi a ni kan ti thei awm e. Jeans hi Denim an tih, La pangngai atanga siam puanthan (textile made from natural fibres) a siam a ni a, denim tih hi “canvas” tihte nen pawh a thuhmun mai awm e.
LEVI STRAUSS LEH JEANS
Levi Strauss hi Juda nupa, Hirsch leh Rebecca Strauss te fapa ni turin Buttenheim, Bavaria, Germany-ah February 26, 1929 khan khaw eng a rawn hmu a. Kum 18 mi a nihin a ute hna lo thawhna New York, USA ah a pem ve a. A ute hna thawh chu puiin puanthan, khum khuhna atang pawisa bawm thlengin a zuar ve lawp lawp thin a ni.
Kum 1853 ah chuan San Francisco, California-a rangkachak khur chu mi tam takin an rawn bawr luih luih tih hriain Levi-a chuan sumdawnna kawng zau zawk hip fuh tumin a pan ve ta a.
JACOB DAVIS-A LO LANG
Levi-a thawnhnaw lei reng rengtu Jacob Davis-a hi ram dang atanga USA pem lut ve tho niin puanthuia ei zawng a ni. Jacob-a dawrtute zingah hian kekawrtlawn ipte zen bal reng mai pakhat a awm a.
Jaboc an chu pa harsatn asutkian dantur zawngin a kekawr ipte thuina zawnah thirte in a kilh sak ta ringawt mai a. A beisei phak lohin chutianga thir tea kilh beh chu mi tam takin an rawn ngaina ta fu mai a. Hun rei rial lovin a rawn dawrtu zawng zawng deuh thawin thir vuah turin an rawng ngen ta a.
Jacob Davis-s chuan stlye hmuh chhuah thar chu a nirtu nihna hauh (patent) a duh ta a. Mahse chutiang ti tur chuan $ 68 a ngai a, a nei thei bawk si lo. Amah tanpui turin Levi-a hnenah thawk tlang turin lehkha a ziak ta ngawt mai a.
Puanthan lama sumdawnna experience lo nei tawh Levi-a chuan a hlutna hre thiamin sum chu a lo tum ta a. Chutia an thawhhona atang chuan Levi leh Jacob-a te chuan May 20th 1873 khan #139,121 number nen Jeans siam chhuaktu awm chhun nihna an dawng ta a ni.
Levi Jeans in CAP a tana a hman tawhte chu: Levi Strauss, Jacob Davis, ARY, jeans, blue jeans, levi’s, denim waist overalls, 501, dungaree, SIP, history, biography, inventor, invention
TAIMAKNA CHU HLAWHTLINNA
Levi-a leh Jacob-a te chuan Levi’s Strauss & Co. tiin an sumdawn tlanna chu hma an tan a. Jacob-a’n design leh a thui lam mawhphurhna a la a, Levi-a vethung chuan a hralh chhuahna lam hai kuain hma a la thung a. Hun rei lote ah chuan leihnuai thil laitute zingah Jeans tlona chuan sawi a hlawhin leitu an pung nasa ta mai a, an Jeans siam chhuah pawh a let tam takin an hralh ta a.
Kum zabi 20-na chaw-hnu lamah pheii chuan thalai leh zaithiam hoin Jeans an rawn chawilar hle a, thawmhnaw mal khaiah chuan a lar ber ti ila a sual tampui lovang.
Levi-a taimakna leh mipui hmangaihna chuan hmun hrang hrangah hruitu pawimawh tak nihna a chelh chho zelin hriat a lo hlawh ta em em a. 1877 atangin San Francisco Board of Trade ah charter member leh Treasurer nihna a chelh tan a. Nevada Bank, the Liverpool, Londan, Globe Insurance Company bakah San Francisco Gas and Electric Company-ah Director nihna pawh a chelh chho zel a ni.
Kum 1875 ah a thiante pahnih nen Mission and Pacific Woolen Mills chu William Ralston hnen atangin an lei sak a, chuta tanga an siam chhuah puan than chu an Jeans siam nan an hmang deuh ber.
Levi-a hian a neih rosumte hi the Pacific Hebrew Orphan Asylum and Home, the Eureka Benevolent Society and the Hebrew Board of Relief ah te a pe thin a. 1895 khan Levi-a leh a thiante in pawl khawmin San Francisco to the San Joaquin thleng rail kawng thar siam nan engemaw zat an thawh bawk a ni.
Vanduai thlak takin rail kawng chu an siam hlawh-tling ta lova. 1897 khan the University of California, Berkeley ah scholarship mi 28 tan malsawmna a ni.
KHAIKHAWMNA
Levi Strauss-a leh Jacob Davis-a te hi mi rama pem lut chawp ve mai a ni nain khawvel mi hausa leh hlawhtling ah an in hlang kai ta hi entawn tlak tak an ni. Remhriatna hi taimakna nen beidawng lova thawh chhuah pui hi hlawhtlinna hamhruai a ni a.
Ruahmanna mawlmang tak anga lang pawh a hlutna zawn hriata, a tak ram thleng thei tura hma lak ngamna hi hlawhtlinna min hruai thlengtu chu ni.