- Zirsangkima
Nula kum 65 mi a ni. A dam chhúngin mipa tù mah hmangaih a la nei lo. Chu chu thu hran a ni. Hla phuah mi a ni; a hla phuah chu khawvêl huapa zai thiam lãr ber berten an ‘hit’ pui thei nasa mai. Chu pawh thu hran tho. A kum leh a dinhmun enin a hla phuahte hi inhmangaih lungrun lutuk lam (love song) deuh vek an ni. Chu erawh thu hran a ni thei tawh lo a; hmangaihna lipuia la zuang lût ve chhin miah lo kum 65 mi, nula Diane Warren-i chanchin hi thu hran ni loin ‘thil mak’ a ni êm êm zâwk a ni!
A hla satu mi lãrte chu
Pop diva Cindy Laupar a\anga Lady Gaga inkár chu a hla viau tawh. Tina Turner a\anga Mandy Moore te pawh. R & B lamah TLC (Beyoncé te band \hin kha), Aaliyah, Toni Braxton, EnVougue; rock band \ha Aerosmith, Alice Cooper, Kiss; country lamah Trisha Yearwood, LeAnn Rimes, Faith Hill, Carrie Underwood te mai ni loin pop tuala mi lian Bryan Adams, Michael Bolton, Celine Dion, Whitney Houston; jazz/soul lamah Barbra Streisand, Aretha Franklin, Roberta Flack te thlengin Nl. Diane-i hla an sà a. Rod Stewart leh Westlife pawh an bãng chuang lo a; Olivia Newton-John a\anga NSYNC chenin zu sà a—e! Elton John ngei paw’n! A awmzia ber chu rimawi péng (genre) hrang hranga mi lian ber berten, dí tawng lo lá Nl. Diane Warren-i hla hi an sa sup sup a nih chu!
Britney Spears, Christina Aguilera, Beyoncé, Jessica Simpson, Heart, Air Supply, Roy Orbison, Gloria Estefan, Reba McEntire, Enrique Iglesias, Ricky Martin, Michael W. Smith, Meat Loaf, Sugababes, Mariah Carey, Lindsay Lohan, Chrissy Metz, Claire Richards, Starship te pawh sawi tel tho i la. Kan sawi \euh tawh a; kan sawi zo tawh e, kan la ti chuang lo a. Chutianga hla phuah thiam chu a ni—Nl. Diane Warren-i chu!
A Hla Ka Duh Zual Tlém Të Chauh
Amah boralsantu a pa, David Warren hriat reng nána a hla phuah, Celine Dion-i sak, ‘Because You Loved Me’ ka duh \hinzia kha ka la hre reng mai. Tin, kha hla avanga Dàwrpui Hustler dàwra Dion-i album ‘Falling Into You’ ka lei \um pawh kha ka la hre reng—1996 kum kha. A kum leh Grammy-ah Awards a dawnpui nghe nghe a nih kha. Kha hla kha, ‘Up Close and Personal’ film soundtrack a nih nghe nghe tak kha.
Tùn hmaa hmeichhe maksak ve angreng tak, Cher hla ‘If I Could Turn Back Time’ (1998) leh Lady Gaga hla ‘Til It Happens to You’ (2015) inkárah hian kum 18 a tla a. Kei chuan Toni Braxton hla sak ka duh êm êm \hin ‘Unbreak My Heart’ te, ‘Conaire’ movie OST Trisha Yearwood sak, ‘How Do I Live’ a\ang te khan eng tin tin emaw Nl. Diane-i hi ka ràl hriat ruai ruai \an avàngin 1998 movie hlawhtling, ‘Armageddon’ OST, Aerosmith hla hit, ‘I Don’t Wanna Miss A Thing’ te, ‘Pearl Harbour’ movie OST, Faith Hill hit-pui, ‘There You’ll Be’ te pawh kha, Nl. Diane-i phuah vek an ni tih ka hriat khân mak ka ti tawh lêm lo!
Starship-ho hla hit ber, ‘Nothing Gonna Stop Us Now’ (1988) te, keini lam lamin Ace of Base kan lo hriat ve phahna 1993 hit, ‘Don’t Turn Around’ hlate khân 90s hnu lama piangte lung chu a ti lêng tawh chiah lo maithei; mahse, country music tuipui mi tam tak chuan ‘Gayote Ugly’ OST, LeAnn Rimes sak ‘Can’t Fight The Moonlight’ (2000) te kha chu kan la ngaina rengin a rinawm. Country music sawi tâkah chuan kum 2005-a Carrie Underwood album hmasa ber, ‘Some Hearts’-a hla pali lai mai kha hmangaihna ram la fang miah lo, Nl. Diane Warren-i phuah vek an la ni zêl a nia! Sawi zêl a châkawm; a leng dáwn si lo a…
A Ropuina Chu
Diane Warren hla 14 lai mai chu Grammy Awards dawng thei tura chhawp chhuah a lo ni tawh a; Academy Awards-ah a hla 12 chu Oscar hûm hãw thei tura nominate an ni lo tawh bawk. Emmy Award, Golden Globe Awards pahnih, kum thum záwnin Billboard Music Awards a dawng tawh bawk (Songwriter of the Year huangah vek). Award dang neuh neuh kan sawi vek dawn chuan a thui dawn tlat.
Chhinchhiah atána pawimawh êm êm chu Warren-i record siam hi a ni. Billboard magazine chanchinah, zaithiam hrang hrang hla sak, Billboard hot 100 singles chart-a #1 hit pakua phuah thei hmasa ber leh a awmchhun a la ni. UK lama recording label lian, EMI Chairman Peter Reichardt chuan, ‘…khawvêla hla phuahtu pawimawh ber a ni,’ a ti hial!
No 1 hits hla pakua zîngah hian ‘If I Could Turn Back Time’ (Cher, 1989), ‘Because You Loved Me’ (Celine Dion, 1996), ‘How Do I Live’ (LeAnn Rimes, 1997) leh ‘I Don’t Want to Miss a Thing’ (Aerosmith, 1998) te chu kan hriat langsâr ber berte an ni ngei ang. No 1 bâkah hian top-10-a lang phâk hla 32 a la nei bawk a nia aw!
A ropui leh êm êmna pakhat chu rimawi khawvêl chanchina mahni hla sak tûr intodelh berte tia an sawi \hin chu The Beatles leh Michael Jackson te hi an ni. Mahse, The Beatles hla tam ber chu John-McCartney (a \hen Harrison) te inphuah \âwm/ho deuh vek an ni a. Michael Jackson phei chuan a hla sak tur phuahtu bik a nei \euh. Nl. Diane-i erawh chu, music producers, recording label, top artist—a maka maka tamin a hla sak an inchuh thung \hin. Ani ang rêng rênga mi mal phuah, music genre hrang hranga zai thiamten an sak làwr nasat hi an awm lo, an ti hial rêng a ni.
Dí Tawng Lo Lá—Hmangaihna Hla Phuahtu Chu!
Diane Warren hi hmangaih la tawng lo angin kan sawi tak nâ a, hla phuah thiam leh record producer Guy Roche nèn a zui chu an lo ‘inzui’ ve tawh \hin a ni àwm e—1992 thleng khán. Mahse, nulât tlangvàl inhmangaihna tak tak ang hi chu a tem lo. Zaithiam leh band heti zozaiin a hla—hmangaihna lungkuai tak tak; in\henna hla lungrun tak tak te leh inngaih vawng vawngna lam hla phuah \hintu, Juda sakhaw betu Nl. Diane-i la nulât rengna chhan hi khawvêl mite hriat châk a ni. Ama sawi ngei hi i’n chhiar teh ang:
‘Ka hla hi ka ni lo. A tak tak ramah hmangaihna lipuiah hian ka la chêng ve miah lo. Mi pangngai hi ka ang lo a; inngaihzàwnna lam hi ka thiam lam a ni ve lo a. Lemchang ang mai ka ni e—Juda mi ka nihna lan chhuahna pawh a ni maithei. Inngaihzàwnna lamah hi chuan mi kherkhiap tak ka nihna pawh a ni bawk ang chu; mahse, ka hla phuah kawngah erawh ka ni chuang miah si lo a!’ a ti.
Ama insawi ang hian ‘nu mak’ tak chu a ni phawt a. Hollywood Hills-a a office-ah pawh tú ma luh a remti ngai lo! Kum 2012-a an interview \umin, ‘Ka office chu kum 17 chhúng eng mah rem fel awm miah loin a hnawk nuai mai a ni,’ a ti. Tin, amah hi puithùna âtthlâk ring mi a nih avàngin a office-a a pindan chu ‘a rûka khawvêl hran nei’ angin a ngai tlat bawk. He a pindana a tape recorder-ah hla a record \euh \hin a. Chûng chu ngaithla nawn a ngaithla nawn \hin; \ha a tih ber a thlang mai \hin.
Nula Entawn Tlâk
Style hrang hrangin hla a phuah tih chu a chiang reng mai. Chûng a hla phuahte chu pop, R&B, rock, country, latin, jazz artist ten an hit-pui chum chum a, an lãrpui êm êm zêl. Mahse, a hla phuah zíngah hian ‘hla \ha ber’ erawh phuah tawhah a la inngai miah lo—kum 65 nula Warren-i hian!
Keini chuan kan phuah, kan ziah hnuhnun ber hi, ‘Ka phuah/ziah tawha a \ha ber, ka master piece,’ kan ti nghâl mai zêl a! A bîkin keimah hian. Nl. Diane-i hi ka va’n ang lo tak!
Hla \ha ber phuah tawha a la inngaih lohna chhan pakhat a nei tlat—a hla phuah zínga ‘a \ha ber’ phuah tumin hla la phuah belh zêl a duh a, a la tum miau alãwm!
Hei hi mi tinin kan hna thawh leh kan thil tiha kan zir tur pawimawh tak pawh niin a lang: chàwl loa rim taka kan thawh belh zêl chuan, kan kut chhuak zínga a \ha ber chu a lo thleng mai tur lah ni!
Hetiang khawpa hla mawi phuah chhuak thiam Warren-i hian rimawi tumna hmanraw eng mah thiam bel a nei lo bawk! A thiam ber chu hla phuah a ni mai! Chutah chuan a insáwrbing mai a; rimawi khawvêla hla phuahtu ropui ber zínga mi a ni thei. Thiam loh thiam tuma hun leh tha sénga tih làwr chiam a tum ve lo a nih chu! Chu ai chuan a thiam a hre chiang a; chutah chuan a rilru a séng a; chu chu zai thiam tam takte tán malsàwmna a lo ni zâwk a … chu lo lehah, mi maktaduai tam tak thinlung hnehtu a ni daih bawk a…
Hla phuah thiam zíngah Diane Warren aia thawkrim hi an váng ang chu aw… an ti! Kár khata ni sarih chhúng ni sarih hla phuah nán hun a hmang a; ni tin dárkar 16 hun a hmang bawk \hin. Hla phuah hi a tuinaah a ngai satliah lo a, a ei zawnna a ni tih a hre chiang bîk hle mai. A ‘lan’ hunah pawh, a ‘lan’ hun loah pawh, ni tin dárkar 16 hla phuah nán hun a séng a nih chu! Tih tam na nâ nâ chuan a \ha chu a lo chhuak mai \hin, tih a hre tlat.
|um khat pawh nula Diane-i hian a inah party a huaihawt a. Warren-i chuan a lo thleng apiang chu hlim takin a lo làwm ve ngei. Mi lãr (celebrities) \hahnem tak an lo kal a, hun hlimawm tak an hmang.
Mahse, dárkar rei lo te hnuah chuan khualchhawn nula Diane-i ber chu a bo daih! A hnu fé-ah pindan pakhat a\ang hian a rawn chhuak hlawl mai. Khawiah nge a bo chen chen tih an zâwt a, Nl Diane-i chuan, ‘Hla ka phuah lawk alãwm maw le!’ tiin a chháng êt!
Dam renga hla mawi leh \ha tak tak phuah chhuak zêl atán a duhawm hliah hliah bîk mang e!