I&PR Deptt. leh Mizoram Art development society (MADS) buatsaih Online Art Workshop, tunkar Zirtawpni thleng awh tur chu nimin khan I&PR director Lallianpuii’n a hawng.
Online workshop-ah hian Mizorama MADS member ten mahni awm hmuna an lem ker (sculpting) leh lemziak te online-in an thehlut dawn a, artist 74 an tel dawn niin sorkar thuchhuah cuhan a tarlang.
I&PR director Lallianpuii chuan hripui leng kara online kaltlanga a tum hnihna atana Art workshop buatsaih a ni chu lawmawm a tih thu a sawi a. Workshop chuan hripui leng avanga inkhung chhunga rilru muthlu leh thuthluang rei tawh kai tho se a duh thu sawiin, art lama talent nei ten an talent te tipung tur leh rahbi thar an kaina tura hmanraw tangkai ni se a duh thu a sawi bawk.