ZPM \halaiin a mamawhtute hnenah pawh ni lo two wheeler taxi permit pêkchhuah tumna a awm nia an hriat thu sawiin, two wheeler taxi hmanga eizawngtute hmakhaw ngaia two wheeler taxi permit pekchhuah belh tawh lo tura Transport minister TJ Lalnuntluanga an ngen thu an sawi.
ZPM thalai chuan December ni 15, 2018 hmalamah two wheeler taxi permit 691 pekchhuah a nih thu leh MNF sorkar hnuah November ni 24, 2020 atanga March ni 4, 2021 inkarah two wheeler taxi permit 1889 pekchhuah a nih thu an sawi a. “Thla 4 chhung lekin a hmaa awm sa let 3 deuhthaw pekchhuah a ni” an ti.
Transport minister TJ Lalnuntluanga chu a mamawh tak taktute hnenah pawh ni lo, hralh chhawn leh mai mai tura tow wheeler permit thei semah ZPM thalai chuan an puh a. “He thil hian two wheeler taxi hmanga eizawng tak taktu miharsa zawkte eizawnna a tichhiaa, Transport minister hian two wheeler taxi permit hi politics khelhna atan a hmang ta mai em ni? tih hi kan zawhna a ni” an ti bawk.