BJP-in Mizoram tan sorkar laipui hotute dawr


Mizoram Pradesh BJP hruaitute chuan India danpui hnuaia 6th Schedule Amendment chungchang sawipuiin sorkar laipui thuneitute an kawm.
New Delhi-a cham mek BJP Mizoram hruaitute – JB Rualchhinga, Vice President, Nirupam Chakma, ex-Minister leh BJP National Council member leh hruaitu dangte chuan tun kar Nilaini khan Nisith Pramanik, MoS, MHA, GoI chu a chenna inah kawmin, India hmarchhak state pali te 6th schedule hnuaia dan siam that turah hian inang tlang veka siam nise tia an thlen bakah, nomenclature leh enchancement chungchangte leh seat siam belh chungchangte an sawipui bawk.
ADC huam chhunga Mizoram BJP hruaitute thu thlen chu Nisith Pramanik pawhin an ngaih pawimawh tur thu leh uluk taka he 6th Schedule Amendment hi ngaihtuah tur a nih thu leh, hemi chungchang hi Minister of Home Affairs Amit Shah nen pawh an lo sawi dun tur thute a lo hrilh a ni.
Vanlalhmuaka, State President pawhin Union Health minister Mansukh Mandaviya chu a pisaah kawmin Mizoramin hriselna kawnga chak zawka ke a pen theihna tur kawng hrang hrangte a sawi pui a. Union Minister chuan Mizoram-ah zan khat riaka a zin tur thu lo a lo hrilh bawk.

Leave a Reply

Your email address will not be published. Required fields are marked *

error: Content is protected !!