Covid-10 hripuiin milar tak takte pawh a nuai fova, tun tumah hian BLACKPINK member Lisa a bang bik lo.
Vanneihthlak takin a thiante pathum- Jisoo, Rosë leh Jennie te chu RT-PCR test result-ah an him thung.
Lisa hian a dinhmun dik tak hi November 24 khan a hria a, film siam tura a inbuatsaih lai tak a ni nghe nghe. A dinhmun a ngaihtuahawm lova, symptom sawi tur mumal a nei lo hlauh.
BLACKPINK member te hian vaccine an la full vek tawh a, hriselna leh himna chungchangah pawh an theih dan kawng kawngin an fimkhur thin hle a, sawi lawk leh hrilh lawk awm lovin an mahni enkawltu YG Entertaiment lamin an test fo thin tawh nghe nghe.
Lisa hian social media kaltlangin dam leh thuai tura duhsakna leh tawngtaipuina a dawng hnem mawlh mawlh hle a, a thawhpui a thiante pawhin dam thuai tura duhsakna duhawm an hlan ve bawk.
South Korea rama COVID-19 inkaihhruainaah chuan, Covid-10 positive te nena inhnimhnai, vaccine la bawk si lo te chu PCR Test hnu ah ni 10 chhung In lamah mahnia in quartaine chhunzawm tur a nih laiin, vaccine la tawh te erawh an in quarantine kher a ngai tawh lo thung