Sweden-in hmeichhe prime minister an neih hmasak ber chu a nih atanga darkar reilo teah a bâng lehnghal.
Magdalena Andersson-i hi Nilaini khan ram hruaitu atan hian thlan a ni a; mahse, a hnu lawkah sorkar a siampuiten phatsanin a budget pharh pawm a ni lo bawk.
“Speaker hnenah bân ka duh thu ka hrilh,” tiin Andersson-i hian thuthar lakhawmtute a hrilh.
Sorkar a siampui, Green Party chuan far right nena budget duan hi an pawm theih loh thu an sawi.
Andersson-i chuan party mala sorkarna siama prime minister nih leh ngei a tum thu a sawi.
Social Democrat hian, “Danpui angin sorkar intawma pakhat zawkin a phatsan miau chuan bân phawt a ngai a ni,” a ti a. “A himna derthawng leh rinhlelh reng sorkar hruaitu nih hi ka duh lo,” a ti.
Parliament speaker chuan party hruaitu dangte a dawr zui ang.
Andersson-i hi Nilaini khan prime minister atan thlan a ni a. Kum 100 chuang zet Swedish hmeichhiaten vote an thlak theih hnuah kum 54 mi, Social Democrat hi hmeichhe prime minister hmasa ber niin ram rorelna in, Riksdag-ah pawh member-ten dingin lawmpuina an hlan hial a ni.