Kanan Lalhlimawma Kuhva huan siam hi Mizoram ah chuan Bilkhawtlir lam leh Khawthlang lam Hachhek Constituency huamchhung khaw hrang hrang kut hnathawk tuten kan in tih hmuh zel a, tun dinhmun ah chuan thlai tha duh tak ni in hriat a, kum 1997 kum atang khan Rengdil khua ah kuhva hi a hri in a man a han thi duak mahse kuthnathawktuten phun chhunzawm zel in kan uar sauh sauh a, hri kai a thi tawk awm mahse kan phun belh zel avangin a tha tawk a awm ve zel a, kan mihmasa kan nu leh pa kan pi leh pu ten mahni remhriatna in Khawthlang lam ah hi chuan an lo ching hmasa a, Rengdil khua a kuhva huan siamtu hmasa te.
Pu Lianchhunga (L)
Pu Thangkhuma (L)
Pu Khawma(L)
Pu Lalnghinglova (L) Adama thlah Kuhva hi mizoram ah a market a that mai bak ah kan hriat angin vai sundawng ten a neitu te buaipui ngai lem loin a rah hmin hma in agreement siam in huan neitute nen a man insiam rem in kan inrem mai thin a advance payment atan aman zatve atang a, hmunthum athen a hmun khat te min pe nghal mai thin a ti chuan a rah a kau hnih vel a hmin tawh hi chuan Vai ho chuan rawn lo in, a hel/ a rah la no te nen chuan an rawn lo fai ta vek thin a, a lawh, phur leh buaipui zawng zawng chu vaikut ni in, a man dawn chu a neitu kut a ni ve thung ta thin a ni, chutia sorkar buaipui ngai miah lo chuan kum kan lo chhiar nitin a kan intihhmuh in kan phun belh chho zel a, nikum kum 2019-2020 chhung khan Report dawn chin khaw 12 a?angin Kuhva hralhna man hi Cheng Nuai 1141/- chuang hmuh a ni. Kum 2020-2021 ah hian Kuhva man inremna (Agreement) hriat theih chin ringawt pawh Cheng Nuai 2000/- chuang chhin chhiah a nih mek laiin, kumin September chawhnu lam a rawn herchhuah meuh chuan kan kuhva rah alo hmin tan a, huan sam pah in a hmin hmasa han lawh maitur leh a tla han chhar mai tur te pawh kan hmu tan ta a, Farmers rilru ah chuan kuhva man dawn kim hun tur rilru ah lo lang nghal in hmalai chawlh neih pah in kan kuhva rah bawr tha tak mai te chu thlir chungin, hahdamna rilru a thanga chhuak thawhrimna thlarau chuan rilru chhungrilah min rawn chhem harh sawng sawng a, Pahmeipa rilru a hlim a, hmeithai nu in a hmakhua thlir chunga harsana leh thawhrimna nen a, alo beih hram hram na rah seng mai tur a a awm chu thlir in, a rilrua a lo suangtuah chhungkaw mamawh leh fate thuam thar duhzawng ngei mitthla leh suangtuah chung in, thlantui luang chu lawmna daifim tluk zet a a thinlung a tih hlim mek lai chuan, a lo hriat phak leh rinphak bak in chu kuhva rah kalkawng chuan harsatna a tawk dawn tih a hre der si lo. Kumin October Khuangchawi Thla kan han chuang kai a, kan kuhva leitute an rawn thleng chho tan ta a, phur takin kuhva an han lo tan a, alei tu leh hralhtu rilru a hlim ngei mai, amaherawh chu, kuhva lawhsa chu Assam lam a phur lian tun in an hah kalpui ta ngei a kum dang a kan hriat ngai loh leh kan tawn ngailoh Assam lam Karimganj SP leh MLA hmalak na in Mizoram atanga Dan dik lo a Myanmar kuhva Karimganj Assam lam a a lo luh thin avang in Myanmar kuhva a ni emaw Mizoram kuhva a ni emaw kuhva hrim hrim lakluh an lo khap ta tlat mai si a, chu chuan Hachhek Farmers te chu namen lo in a nghawng chho lo thei ta lo a lo ni a, Hachhek kuhva kan hralhna ber Assam lam ah a luh theih tak si loh ah chuan nitin in Hachhek Farmers te chuan kuhva assam a luh theih hun kan thlir ta thup mai zawng a nih hi. Kan kuhva hralh kawnga Myanmar kuhva Dan lo a lo lut mizoram sorkar in a zep ruk tlat avang a mizoram kuhva chingtute min nghawng chho ta zel mai hi a pawi hle mai. Ni e, Myanmar kuhva hi kan hriat angin kum 2010 bawr vel atang khan Keini Hachhek Constituency atang hian Assam lamah hian tlem tlem chu a lut thla ve thin a, tun lai chho ah erawh chuan a luh in a lut hiau hiau ta thung tih hi zep tlat chung pawh in kan hmu reng lawisi a, Godown lian tak tak te pawh awm mahse keini Farmers te hian a hranpa in kan do in kan haw ngawt bik lo a, chutih mek laiin kan thlang lawk Assam MLA Van Pathian be hauh lo erawh chuan dan dik lo a foreign thlai thar lakluh erawh a lo duh hauh lo mai erawh Legislature a nih ang ngei a dan a ngai pawimawh erawh Van Pathian lawm zawng tak a nih ngei erawh ka ring lo thei si lo, keini Ram roreltu Van Pathian be chung reng sia thil dik lo hmuh hmai lui tlat te nen a khaikhin hian tu zawk takin Van Pathian ti lawm zawk tak ang maw? He Myanmar kuhva dan lo a lo lut hi kan tan chuan mangchhia ah a chang ta lo thei lova, kan kuhva thar ngei te pawh Myanmar kuhva dan lo a lo lut avang in Assam police ten sum siam nan a hmangin kumdang a an la tih ngai loh kan kuhva Pik-up trip khat ah cheng sangkua (9000) te an lo charge ta mai thin a, Pik-up hian kuhva bag50 chiah a phur thei lehnghal a ni. Hetianga kan kuhva kalkawng in harsatna a tawh tak si ah chuan Kuhva chingtute hi a tuar tu kan ni a, kan kuhva leitu ten kawng lak ah harsatna an tawh miau si chuan kan kuhva, an lo ngam ta si lo a, tunah hian kan huan kuhva rah te chu a zat ve a tla riral der tawh a, kuhva hi mahni lawh ni lo a maha tla phei chu a per hlat bakah a sen tai reh tawh lam an nih avangin char dawn pawh ni ila hmuh kim a har tawh hle mai si a, ava manganthlak em. Hetih rual hian kuhva chingtu ni lem lo te chuan Mizoram chhungah hralhna tur dap ve mai tur pawhin min beisei ngeiin a rinawm a, ram chhung ah hian market zawng lo kan ni lova, Mizoram chhunga kan kuhva te hralh tlak tur chuan Kuhva bag 4 hi bun vek ila a pumlian apiang thlangchhuak in bag 1 ah kan chhuah a chu chu Aizawl leh Zoram hmun hrang hrang ah kan thawn ve bawk a, amaherawhchu, a man hmuhkim a har khawp a, a man hmuh kim thap hi a awm ngai lo khawp mai. Chutah bag 4 bag 1 a kan chhuah hnua a pumte ho leh tlem a la no ho hi khawi ah tehlul nge kan hralh ral tak ang vai tello he kuhva hi hralh ral na tur reng reng a awm der si lo, a chi ah pawh khui tiak dawn ila tuna kan thlan ang tho a thlan ngai a nia, kui tiah kim lah thil theihlo tluk a nia, kan tih tiah that ber tum in hmunthum a then a hmun hnih a tiah chuan tiak tha tak a ni tlangpui thin a, kan kuhva te hi kung khat ah bawrh li atanga bawrh nga te hi a rah tlangpui a tunah hian bawrh hnih chu a tla ral tlangpui tawh a bawrh thum na a tla tan leh mek tawh a, chutih mek lai in a par tan a hnai leh tawh bawk nen bawrh hnih la bang te hi chua a Par hnan tawh dawh a (Par buak) kan tih ang khan a hnip in a no tha leh dawn a chu chu Mizoram a hralh tlak loh vai ram a Gutgha atan a siam tur a phurh thlak chi chauh a ni tawh dawn si a, tun ah hian Hachhek kuhva chingtu tam tak te chu kan huan thlir chungin September thla vela huan sam pah a thinlung hlim veng veng thin kha tun dinhmunah chuan kan kuhva rah hmin leh bawr tha tak tak thlir chungin kan thinlung a ruma, Patling in indawm kun chungin huan khan thlir mek a ni.