Cherry Bloosom Festival, 2021 neih zawh tâkah Mizoram Youth Commission (MYC) leh official partner North East Wave (NEW) te tangkawp in MYC Perhkhuang winner 2021 leh Mizoram Cultural band tha ber Sound from the hills te chu thawhho tirin Shillong, Meghalaya-ah an chetha hle.
Ruahman dan chuan December 7 hian India rama music festival lian ber ‘Hornbill’ Nagaland-ah an inlan leh dawn a, kumthar lamah pawh AR Rahman conservatory of music te leh Task force for Music and Arts (Tafma) Govt of Nagaland te nen mentorship training neih pui tum an ni bawk.
Kuminah hian Cherry Blossom-ah Indian Council for Cultural Relations (ICCR) team angin inlan theihna hun remchang an chang a, he hun chhinchhiahtlak takah hian Mr. Satoshi Suzuki ambassador of Japan chu khuallian a ni.
Sound From the Hills te hian MYC staff te leh Chairman Dr. Vanlaltanpuia te chungah lawmthu an sawi a, thalaite hmathlir thui tak an neihpuinaah an lawm hle. Beraw Tlang hall-a rehearsal an neih theih nana remchanna siamsaktu Tourism department lakah pawh lawmthu an sawi bawk.