Mizoram Florist association (MFA)-in tunkar Zirtawpni thleng awh tur Aijal Club Park-a Florist Fair an buatsaih chu nimin khan Chief secretary Dr Renu Sharma-i’n a hawng.
Chief secretary chuan MFA-in sorkar tanpuina tel lova Fair changtlung tak an buatsaih thei chu chhuanawm a tih thu a sawi a. Lengpui airport leh Aizawl khawpui hmun lailia Mahatma Gandhi lim awmna hmuna pangpar huan mawi taka an enkawl pawh lawmawm a tih thu leh MFA chu Mizoam hmel timawitu an nih thu a sawi.
Tuntum hi MFA-in Florist Fair vawi 42 an buatsaihna niin, stall 101 hawn a ni a. Hengahte hian pangpar leh plant chi hrang hrang phochhuah a ni.