Ram thar Barbados leh Queen Elizabeth II inthen ta


Barbados chuan Queen Elizabeth II chu an ram hotu ber a nihna atanga paihin ram hran an ni ve ta.
Thawhtanni zana an khawpui, Bridgetown-a hun hmanah Dame Sandra Mason chu an president hmasa ber atan an la lut nghal.
He hun hi Prince of Wales leh Barbadian zai thiam, Rihanna pawhin an hmanpui a, an ram a indan kum 55-naah chiah mahni kea ding ram an ni ve ta a ni.
Thu a sawinaah Prince Charles chuan Caribbean thliarkarin sal neihna rawng tak a tawrhna a hriatpui thu a sawi.
Barbados hi Britain ramin kum za chuang awpin kum 200 chuang zet phei chu Atlantic Ocean kaltlanga sala sumdawnna kawngpui bera a hman a ni.
Thuneihna inthlak a ni tih lantir nan British lal zahna hnuhnung lantir niin Royal Standard flag pawh pawh hniam a ni a, an ram flag an tar thung a ni.
Prince Charles chuan roreltu inthlakin dan hran nei tawh mah se ram hnih inkar a that zel tur thu a sawi.
President tharin Order of Freedom of Barbados a hlan hnuah an hun hman chu ‘bul tan tharna’ a nih thu a sawi.
Queen pawhin duhsakna thawnin, ‘hlimna, muanna leh thanduanna’ nei turin duhsakna a hlan a. An ram chu a thinlungah hmun pawimawh a nih ring tur thu a sawi bawk.

Leave a Reply

error: Content is protected !!

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427