Hmeichhe cricket inelna Women’s One Day Trophy 2021 chu Thawhlehni atangin khelh tan a ni a. Inkhel hmasa berah Suaka Cricket Ground a eng inkhelah pawh run la siam hnem ber record ni turin Julie Malsawmtluangi’n run 177 a siam.
Mizoram a hmeichhe cricketer te inelna team pali a thenah Dingdi team leh Ainawn Team te an inkhel a. Dingdi tana khel Mizoram hmeichhe team a batter rinrawl ni lai Julie hian ball 136 atang run 177 a siam a, 4 runs vawi 33 a vua. Lalrinmawii Hangsing chuan run 34 thawh bawkin over 49.2-ah run 322 an siam.
Ainawn bowler Lalrinawmi Khawlhring chuan wicket li a la thung.
Thlasik ni rei lo karah khelmualah eng a tha tawk lova, hei vang hian VJD method hman a ni a, over 38 chhungin Ainawn tan chak turin run 446 siam a ngai.
Ainawn tan target huphurhawm an umna kawngah Felfeli Pautu chuan run 53 a siam a, a bak erawhin thlawp tha tawk lovin run 165 ah an out zo.
Vawiin lamah Zamzo team leh Derhken team te an inkhel ve leh dawn a.
Ningani leh Zirtawpni hian round 2 khelh a ni anga, round 3 zawhah a sang pahnihin final an khel ang.
CAM Women One Day Trophy 2021
Team Ainawn vs Team Dingdi
Suaka Cricket Ground, Sihhmui, Aizawl, |50 Ov.| November 30, 2021
Toss: Ainawn in vawm an thlang
Dingdi 322/10 (49.2 Ov)
Julie Malsawmtluangi 177(136)
Lalrinmawii Hangsing 34(88)
Lalrinawmi Khawlhring 4/52 (8.2)
Lalhriatpuii 2/45 (10)
Felfeli Pautu 2/40 (7)
Ainawn 165/8 (38.0 Ov)
Felfeli Pautu 53(44)
Lalrinawmi Khawlhring 16(16)
Lalrinmawii Hangsing 3/20 (8)
Mamta Rai 2/32 (9)
Dingdi run 123 in an chak (VJD/Oth method – Match reduced to 38 overs, target 446 runs)
Player of the match : Julie Malsawmtluangi (Dingdi)