Phal loh zet hnuah YMA Gen. Conference neih phalsak leh


Central YMA-in December 16, 2021-a YMA General Conference huaihawt phalsak a dil chu sorkarin a phalsak lo zet hnuah SOP zawm chunga huaihawt turin a phalsak leh.
November 13, 2021-a Central YMA Executive Committee thukhawm chuan YMA General Conference vawi 73-na neih hun atan December 16, 2021 a ruat a, Cenral YMA chuan sorkarah huaihawt a dil a. November 30 khan an dilna hi chhang letin Mizorama hripui leng dinhmun a ziaawm hun nghak rih tura tiin, an dilna hi a rem tih loh thu a hriattir.
Hetianga YMA General Conference huaihawt rem a tih loh hnu hian Central YMA hruaituten sorkar hotute an dawr niin thudawn a ni a, nimin khan sorkarin Central YMA chu lehkhathawn lehin, conference huaihawt a rem tih thu a hriattir leh.
State Executive Committee (SEC) member secretary-in thupek a chhuahah chuan SOP leh CAB uluk taka zawm tura hriattir an ni a, general conference ah hian a hmuna thutna awm chanve (50%) aia tam punkhawm phal a ni lo tih leh palai atan Covid-19 hri danna la kim tawhte chuah ruat nise a ti bawk.

Leave a Reply

error: Content is protected !!

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427