SBI-in Central YMA hnenah thilpek hlan


State Bank of India (SBI)-in Corporate Social Responsibility (CSR) hmangin Central YMA hnenah dawhkan, thutthleng thahnem tak leh computer set nimin khan an hlan.
SBI-in Central YMA hnuaia training centre-a, hman tura thilpek an hlan hi dawhkan 25, thutthleng 25 leh computer set khat a ni a, General Manager (Network 2) Lunkim Thangboi chuan Central YMA hruaitute hnenah thil pek hi a hlan a ni.
Thilpek inhlanna puala inkhawm tawi neihah hian SBI chuan economic revival atana an hmalakna thenkhat pualin hun an hmang bawk a. Loan chi hrang hrang latute – Housing Loan, SME loan, Thenzawl Handloom Association (cluster finance), Mudra Loan, Piggery Loan, Agri Term Loan (cultivation of Dragon Fruit) hnenah Sanction- letter pek a ni.
General Manager (Network 2) chuan heng loan chi hrang hrangte hian Mizoram mipuite tan hmasawnna a thlen abeisei thu sawiin, hmasawnna ruhrel atana tihtak zeta hma la duh tan SBI chu a inhawng reng tih a sawi.

Leave a Reply

Your email address will not be published. Required fields are marked *

error: Content is protected !!