Tun season-ah Mizoram Premier League khelh a ni dawn lo

Mizoram Football Association, Mizoram Premier League club aiawhte League leh MPL sponsor Zonet aiawhte chu Nilaini khan MFA Office-ah an ṭhukhawm a. 2021-22 season chhungin Mizoram Premier League chu kalpui hrilh loh an rel.

Hetih lai hian MPL Under 18 leh Mizoram Under 15 League erawh hri a ziaawm deuh chuan kalpui turin an rel.

Tun season kal mek 2021 – 22 season hi kumthar May thla tawp tur a ni a. MPL kalpuina turin team inbuatsaihna hun a tlem tawh a an ngaih bakah hripui avangin club-in sum leh paiah harsatna an tawk hlawm a. Sawrkar inkaihhruainaah entu awm a inkhel buatsaih a la rem lo bawk nen, season tharah tha zawka MPL kalpui theih inbeisei chungin tun season chu MPL kalpui loh hi an rel.

Hetihlai hian footballer naupang zawkte hmasawn zelna tur ngaihtuahin MPL Under 18 leh Mizoram Under 15 League chu kalpui hram dan ngaihtuah tha an ti a.
Kum 2022-ah hripui a ziaawm chuan kum naupang zawkte tán inkhel buatsaih a ni ang.

Leave a Reply

Your email address will not be published. Required fields are marked *

error: Content is protected !!