YOUNG FELLA HLA THAR CHHUAK DAWN

Tunlai Mizo ṭhalai Rapper lar berte zinga mi, ‘Zing dar 6’ leh ‘Rukru’ hit maker, Young Fella chuan hla thar a nei leh dawn ta! ‘

Zing dar 6′ hla kha MZI Best Rapper 2021 lawmman an lakpui tawh a, tunah hian Youtube-ah Mizo hla enhlawh berte zinga mi niin, viewers Million 5 chuang an awm tawh a ni. An hla thar ber ‘Rukru’ pawh rei lote chhungin Million 1 chuangin an thlir leh tawh a ni.

Ṭhalaite ngaihzawn rawn Young Fella hla thar ‘Volleyball Mizoram’ tih chu December 3, 2021, MVA Volleyball Nite, Hotel Regency Bunker-a neih turah tlangzarh a ni dawn ta! Volleyball Nite 2021 hi zirtawpni zan dar 8:00 a ṭan tùr niin, LPS-10 ah Live telecast a ni dawn.

Young Fella hla thar hi Mapuii, H. Vanlalngura, Marina V. Varte leh Roma Hmar te’n zaipuiin, Young Fella feat. Various Artist tih a ni a, a hla hi ‘Volleyball Mizoram’ a ni. He hla hi David Zochhuanmawia (Vida Hrahsel Saza) phuah leh a thlûk siam niin; Mizoram Volleyball Association presents a ni a. A film hi Remruata Billywaif kutchhuak a ni a, a hmuhnawm dawn.

Tin, music & records hi tunlaia rûl avanga lâr em em Roma Hmar & Co. kutchhuak niin, ‘Rokunga Rimawi Tuk Rûn’ kutchhuak a ni a; Rap bik hi Smiley Records, Ramhlun Venglaia a tih a ni bawk.

Mizoram Volleyball Association chuan Volleyball hla thar nei ngei tùrin ṭan a la a. Dr. Lalmalsawma Nghaka, D-3 Business Enterprise neitupain he Music Video hi a sponsor a. Thawhpuiah Young Fella chu sawmin, Mizoram Volleyball Association chuan nasa takin hma a la a, Fella nen thawhhona ṭha tak neiin, thawhho zel pawh an la tum bawk a ni.

Mizo ṭhalaite zingah Sports Discipline hrang hrangin hmasawn zelin, ṭhalaite tan eizawnna tlak tling tùrin hruaituten theihtawp an chhuah mek zel a. Volleyball discipline bik tih larna leh chawinun zelna tùra Young Fella hla thar ṭha tak chhuak tùr hi ngaihthlak a chakawm tawh hle a. December 3, 2021 zan dar 8:00 ah LPS-10 lo chang la, i mit leh i beng lo ti tlai ve ang che.

Leave a Reply

error: Content is protected !!

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427