Nimin khan District Hospital Mamit Blood Centre-ah Association For Voluntary Blood Donation (AVBD), Mamit huaihawt-in Krismas pual thisen pek runpui hawnna neih a ni. Mamit Chhim Veng branch YMA te’n thisen an pe nghal bawk.
Krismas pual thisen pek khuh hawngtu Lalropuia, Vice President, AVBD, Mamit chuan thu sawiin, hun laiin hmun hrang hrangah thisen mamawhna a san \hin thu leh he hunpui lo thleng turah pawh hian midangte \anpui nan sum leh pai, thil hlu dang kan pe thei lo a nih pawhin nunna chhan nan leh damlo te’n damna an lo chan theihna’n \halaite chu thisen pe zel turin a sawm a ni.
AVBD Mamit chuan District Hospital Mamit tan thisen pek dan tur Mamit khawpui chhunga branch YMA hrang hrangte duty hun siamin a ruahman \hin a. A bik takin December thla hian thisen mamawhna a san \hin avangin pawl hrang hrangte hnenah thisen pe turin ngenna lo siam tawh \hin a. |halai tam takin a thlawnin thisen an pe \hin bawk.
Nimina Krismas pual thisen pek Chhim Veng Branch YMA Mamit-in an neihah mipa 17 leh hmeichhia pahnih, a vaiin thisen unit 19 pek a ni.