Union minister of state-in Mizoram state BJP hruaitute zanriah buatsaihsak – Mizoram state mamawh hrang hrang an sawiho

Union minister of state, ministry of social justice and empowerment Ramdas Athawale-a’n Mizoram state BJP president Vanlalhmuaka leh BJP Mizoram hruaitu dang Delhi-a cham mekte zanriah a buatsaih sak a, Mizoram mamawh hrang hrang an sawiho bawk.

Mizoram state BJP president chuan Mizoram chu India ram state zinga puih ngai ber a nih thu union minister of state chu hrilhin 6th schedule amendment-2019 a Mizorama ADC pathum ten an thenawm state 3 – Assam, Meghalaya leh Tripura dinhmun ang an chan ve theihna tura hmalakpui turte, Burma ram buai avanga raltlan ten buaina an tawhlohna tura hmalakpuia, a ministry chan atanga tanpuina awm thei hmanga tanpui turte in a ngen.

Ramdas Athawale chuan Mizote leh Mizoram mipui harsatnate, Burma raltlan te chu amah ang bawka hnam hnufual an nih thu sawiin, “Keima mi te an nih avangin a theih chin chinah pui turin hma ka la ang a, Prime minister leh home minister hnenah pawh ngenna ka thlen nghal ang” a ti niin BJP thuchhuah chuan a tarlang.

India rama hnam hnufualte aiawha awm a nih thu leh an thlavang hauh chu a politics khelh chhan ber a nih thu Ramdas Athawale chuan sawiin, Mizoramin harsatna a tawhah theihtawp a chhuah tur thu a sawi a. Chhunzawm tlaka hmalakna ang chi leh mipui chhawr theih tur project atan sumah harsatna a awm loh tur thu a sawi bawk.

Leave a Reply

error: Content is protected !!

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427