Mizoram kutah Bihar an tlawm

Mizoram cricket team chuan India rama One Day cricket inelna lian Vijay Hazare Trophy-ah hnehna changin bul an tan a. Bihar wicket 7 in an hneh.

Nilaini a Jaipur a Sawai Mansingh Stadium a inkhelah Mizoram hian an vawm hmasak an thlang a. Pace bowler Remruatdika Ralte chuan ball thar nen Bihar innings a chhaih buai hle. Mizoram in over 6.1 an vawm chhungin Bihar top order batsman pathum wicket a la a, inkhel result thui taka nghawngtu niin Dika vangin Mizoram in bul an tan tha.

Bihar in an middle-order batsman te hmangin an dinhmun an siamtha a, mahse Mizoram bowler leh fielder-te an che tha a, an run siam tur an vengtha thin hle. Bihar hian over 50-ah wicket 8 hlohin run 222 an siam a. Dika’n wicket hnih lak belhin List A-ah Mizoram senior team tana a inkhelh hmasak berah wicket 5 a la.

Mizoram in an vuakin wicket hloh hma mahse opener Lalhmangaiha (29) leh captain Uday Kaul ten partnership mumal tak neiin bul an tan a. Captain Kaul hian run 121 a siam a, a vawikhatna atana Mizoram tana List A cricket khel Joseph Lalthankhuma chuan run 43 thawh bawkin an pahniha inkawpin Mizoram hnehna an chanpui a. Over 47.4-ah run 223 siamin Bihar hi an hneh.

Mizoram hi Plate Group-ah awmin point 4 hmu in bul an tan a. Ningani hian Sikkim an khel lehnghal ang.

Jaipur a Mizoram team tawiawmtu CAM Honorary Treasurer Zosangliana chuan, “A tira wicket thum zing taka kan lak kha kan chak nan a pawimawh a. Senior team a vawikhatna atana List A cricket khel Dika leh Joseph-a te an kheltha hle. Mipui vaibelchhe 12.7 awmna, cricket lama keini aia u zawk state kan hneh thei hi a lawmawm hle a. Kan naute inkhelah pawh hmasawnna hmuh tur a tam a, kan fielding a tha a, catch drop pakhat kan nei zawk hlauh a, chumi tih lovah chuan an run siam tur kan veng tha hle.” tiin The Zozam Times hnenah a sawi.

Vijay Hazare Trophy (2021-22)

Mizoram vs Bihar

Toss: Mizoram in vawm an thlang

Bihar 222/8 (50) Run Rate : 4.44

S Gani 114 (139)
Rathour 43 (68)

Remruatdika Ralte 5/60 (10)
Iqbal Abdulla 1/33 (10)
Taruwar Kohli 1/39 (8)

Mizoram 223/3 Run Rate : 4.68

Uday Kaul 121 (137)
Joseph Lalthankhuma 43 (55)
Lalhmangaiha 29 (56)

Rathour 1/47 (10)
Malay Raj 1/40 (7.4)

Mizoram wicket 7 in an chak

Leave a Reply

error: Content is protected !!

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427