Synod Inkhawmpui rorel tan


Synod moderator kalchhuak, Rev Dr C Lalhlira’n nimin chawhma dar 9:30 khan moderator thar, Rev. Dr Vanlalnghaka Ralte hnenah mawhphurhna hlanin, Synod rorel tan a ni.
Tun tum Synod-a rorel tur chhawpchhuah zingah inkhawm tihtlem chungchang te, Presbyterian kohhranin Mizorama chanchin tha thlen nia a pawm tak, March 15 chu sorkar chawlha puang tura sorkara rawtna thlen te, state ramri buai chungchanga sorkar tha tichak tura hmalak rawtna te, Synod hnuaia chet velna hrang hranga saptawng hman thin te a theih chin chin Mizo tawnga thlak rawtna te, HIV/AIDS veite enkawlna, Grace Home tihchangtlun rawtna te pawh a tel.
Synod hi Republic Veng bialin Republic kohhran biak inah an thleng a. Pathianni chawhma inkhawmah Pro Pastor 17-te pastor atan nemngheh an ni ang a, Pro Pastor atana lak thar mi 17-te dahngheh an ni bawk ang.
Pathianni chawhnu inkhawmah nikum Synod leh tun Synod inkara minister/pastor thi mi 10 sunna hun hman a ni ang a, kumin inkhawmpuiah hian hri leng avanga zan inkhawm a awm loh avangin Pathianni chawhnuah hian moderator kalchhuakin valedictory sermon a sawi ang.
Kum 2022 kumtira pension tur minister/pastor 14 an awm a. Minister/pastor pariatte chu pastoral committee-in zirna sang zawk zir a phalsak a, heng zinga mi palite chu M.Th/DCPC zir a ni a, mi pathum chu D.Th/Ph.D zir niin, mi pakhat chu BD (Hindi) zir a ni bawk.

Leave a Reply

error: Content is protected !!

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427