ZPM thalai leh Congress thalaiin a hrang ve vea thuchhuah siamin Mizoram sorkarin North eastern electric power corporation (NEEPCO) hnena kawlphetha hman man ba, a hun taka a pek loh avanga vauna a dawng leh ta chu zahthlak an tih thu an sawi
ZPM thalai chuan meter reader ten hri leng avanga bill dik tak an siam theih loh lai pawha phuahchawp bill pawh mipuiin tha taka an pek laia state sorkarin NEEPCO hnena rei tak electric bill a pe thei tawh lo chu pawi an tih thu an sawi a. “Mipuiin electric bill kan chhunluh hi khawiah nge a awm a, eng atan nge hman a nih?” tia P&E minister R Lalzirliana chu zawtin, mipui harsatna thlentua puhin bang turin an phut bawk.
Congress thalai pawhin “Kawlphetha chhit man a huna pe ngai lo, thin ngai ziah sorkar hian tul lo taka a pung tam tak nena pawisa a pe thin hi chhiah petu mipui zahlohna a ni” an ti bawk a ni.