US rapper Travis Scott chuan thla hmasaa Texas-a AstroWorld concert chhimtute an talbuai dan kha a hre hauh lo niin, a sawi.
“Vawi eng emawzat zai ka chawlhsan a, mahse a tawpah chuan music bak hriat theih kha a awm lo a ni,” tiin Breakfast Club radio show-ah a sawi.
November 5 khan Astroworld music festival chhimtu sang tam tak zinga sawm vel zet te chu innek leh inchilbuai kaihhnawihah an thi.
Hemi kal zelah thubuai siam leh inhekbuaina a thleng nghal zut zut a, thi zinga naupang ber hi kum 9 mi Ezra Blount niin, tun thleng hian buaina a inmung chho reng a ni.
Travis-a’n thi chhungte hnena vuina senso zawng zawng tumsak tur anga a sawi phei chuan ei loh a hlawh a, thi chhungte thinrimna leh lungawilohna a tizual sauh nghe nghe.
Kum 30 mi rapper hi tunlai rimawi khawvela rap music bikah ngat chuan a lar ber pawl a lting pha a, chutih rualin, concert laklawh laia tihtawp thut a chin vangin sawi leh sel a hlawh fo. A hming tha tehchiam ngai lo.