Nimin khan Chief Minister Zoramthanga leh United Nation Development Programme (UNDP) India hotute chu Mizorama UNDP hmalakna leh state sorkar nena thawhdun chungchang an sawi ho.
A pisa-a chief minister leh UNDP Deputy Resident Representative Nadia Rasheed bakah official dangte inkawm chuan, MSME (micro, small and medium enterprise) leh SDG (sustainable development goals) chungchanga an hmalakna leh state sorkar nena an thawhdun chungchangte an sawiho a. Sorkar leh mipui nena thawh hona tha tak an nei thei chu lawmawm an tih thu an sawi.
He thutkhawmah hian UNDP India atangin Nadia Rasheed bakah Jaimon C Uthop, Policy Specialist-SDGs; John Borgoyary, North East Head; Supriya Khound, Project Coordinator-Green Recovery, UNDP India leh Mizoram an office hotute an tel a ni.
UNDP hi United Nations hnuaia pawl pakhat niin, retheihna umbo a, ei leh bara hmasawnna ngelnghet tak leh mihring nunphung tihhmasawn tura hmala tura din a ni.