Kumin January atanga November thleng khan Mamit district-ah police station hrang hrangah thubuai 136 ziahluh a ni a, heng thubuai kaihhnawihah hian mi 132 man an ni tawh.
Mamit district-a police station hrang hranga kumin January atanga November thlenga thubuai ziahluh 136 zinga 94 chu chargesheet siam fel tawh niin, thubuai 28 chu court-in a chingfel tawh a, mi 30 thiamloh chantir (convict) an ni.
Kumin January atanga November thleng khan Mamit district-ah police station hrang hrangah thubuai 136 ziahluh zinga
rukruk (theft) thubuai tam berin, 38 ziahluh a ni a, heng zinga thubuai 30 chu chargesheet tawh niin, court-in thubuai 13 a chingfel tawh a, mi 14 thiamloh chantir an ni.
Mi in rawk (burglary) thubuai 25 ziahluh niin, thubuai 18 chargeshet tawh a ni a, court-in thubuai 4 chingfel tawhin, mi 4 thiamloh chantir an ni bawk.
Kumin January atanga November thlenga Mamit district-a thubuai ziahluh 136 zingah protection of children from sexual offences (POCSO) act tlawhchhana kumtlinglo laka pawikhawihna thubuai 16 a tel a. Hemi kaihhnawihah hian mi 12 man an ni a, chargesheet tawh thubuai 6 awmin, court-a chinfel a la awm lo.
Inrikrap/chhungkuaa buaina siam (criminal intimidation) thubuai 10 ziahluh niin, thubuai 9 chargesheet tawh a ni a, court-in thubuai 2 chingfel tawhin, mi 1 thiamloh chantir a ni.
Mamit district-a police station hrang hranga kumin January atanga November thlenga thubuai ziahluh 136 zingah mi kutthlak/tihnat thubuai 6 telin, hemi kaihhnawiha man mi 10 an awm a, chargesheet vek tawh niin, court-in thubuai 1 a chingfel tawh a, mi 1 thiamloh chantir a ni.
Tualthah thubuai (murder) 2 ziahluh awmin, thubuai pakhat chargesheet tawh a ni a, thubuai chinfel a la awm lova. Tualthah tum (attemp to murder) thubuai 1 ziahluh niin, chhui zui mek a ni a. Pawngsual (rape) thubuai 2 awmin, chargesheet ve ve tawh a ni bawk.
Mihring thihna thlen khawpa lirthei chetsualna (motor accident fatal) thubuai 1 leh mihring thihna thlen lo lirthei chesual (motor accident non-fatal) thubuai 1 awmin, chargesheet peihfel tawh a ni a. Dan lova silai siam leh dan lova silai zawrh (Arms act) thubuai 2 ziahluh niin, hemi kaihhnawiha man mi 3 an awm a. Thubuai 1 chargesheet tawh a ni.
Kumin January atanga November thlenga Mamit district-a thubuai chi hrang hrang 136 ziahluh kaihhnawia mi man zat 132 niin, thubuai 98 chargesheet tawh, chhui mek 39, court-a chinfel tawh 28 a awm a, thiamloh chantir mi 30 awmin, chhui zui ngai lo (dispose) pakhat a awm bawk a ni.