Cancer vei theihna a tihniam a, Lung natna leh meizukin a thlen natna chi hrang hrang awm thei lakah i nghei atanga kum 15 chhung hian vei theihna a hniam nghal rawih rawih.
I damkhua a tisei thei a, engthawlna duhawm tak a thlen ang che.
Bank-a sum khawlna a tipung anga, nang leh i chenpuite nen hringnun hlimawm in chen thei.
I ‘fit’ zual sauh anga, ‘exer’ lak a nuam lehzual anga, i zam a tha sawt bawk ang.
I lang upa hlei thei lo chu mak i ti anga, vun-in a uaithlak san hlei thei lovang che.
Vun leh sam-in an hlawkpui a, an that phah hle. I hâ a lo var lehzual anga, hahni a hrisel anga, ‘thaw’ pawh a rimtui tawh ang.
Hmeichhe tan, naute hrisel tak neih theihna a ni. Naupai awlsamna a thlen.
Mipa tan mipat hmeichhiatnaah thathona a thlen.
I bula awmte hriselna i khawih pawi thei lovang a, an tan malsawmna i ni ang.
Thâwk lak a nuam tulh tulh anga, khuh bur burna kha i ‘bye bye’ tan tawh ang.
Nangmahah inrintawkna a pung sawt anga, thil dang pawh tum tak tak chuan hneh theih a ni tihna rilru lo awm chuan hmasawnna leh changkanna chu nang leh in chhungkuaah a lo thlen nghal mai dawn a ni.