Ram pawn atanga Mizoram lutte quarantine dan tur kaihhruaina siam


Sorkar laipuiin Omicron laka invenna leh himna tura state tin leh UT-te tana inkaihhruaina a siamah ram pawn (foreign) atanga lo thlengte chu khung hran (quarantine) nghal tura tih a nih angin, Health & Family Welfare department- chuan hriattirna a chhuah a, hemi bawhzui hian nimin khan Aizawl Bawrhsap Dr Lalhriatzuali chuan inkaihhruaina thar a tichhuak.
Ram pawn atanga hawte quarantine dan tur inkaihhruaina siamah chuan Mizoram luhkaa RAT negative result nei, LLTF/VLTF remtihna neite chu entry point-a medical duty-te’n home/community quarantine facility a awm turin phalna an pe thei ang a, a theih chin chinah home quarantine hi kalpui tura tih a ni.
Home quarantine-na tur nei remchang lote chu sorkarin man chawia inkhung hranna tur a buatsaihah awmna man leh ei leh in man mahni intum tur a ni ang a. A enkawl leh senso chungchangah pawh LLTF/VLTF ruahman anga kalpuiin community quarantine facility kalpui tura tih a ni.
Entry point atanga quarantine-na hmun tur pan turte chu kalkawngah chawlh khawmuan phal a ni lo a. Quarantine-na hmun tur nan hian mahnia lirthei inngaihtuah tur niin, lirtheiah hian a hma leh a hnung indai danna uluk tuka siam tur a ni a. Quarantine turte chuanna lirtheiah hian driver leh quarantine turte bak mi dang chuan phal loh tih a ni bawk.
Aizawl a cheng ni lo, district/khaw danga quarantine turte chu entry point atangin an quarantine-na hmun tur pan tlang tura tih niin, mahni awmna district/khua pan tlang thei lo turte chu Aizawla sorkarin man chawia quarantine-na hmun a buatsaihah ni sarih chhung an in-quarantine hnuah, RT-PCR negative result an neih chuan an district/khua an pan thei dawn a ni.

Leave a Reply

error: Content is protected !!

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427