Consumer-te thiamchanna thenkhatte

  • Lallunghnema, Charity Lodge

Chibai tha ber ka buk a che u,
Kum 2021 chu kan zial fel teuh tawh hle mai! Kumin hian thil tha eng emaw zat kan ti theuh ngei ang a. Thil sual pawh kan ti teuh ngei bawk ang.Keini erawh kan consumer hliah hliah a,consumer chanvo umin ka buai kum tluan a ni ta ber e.Vawi khat mah bahlah loa ka Huang ka luah theih avang pawh hian ka lawm em em ringawt mai a ni.
Mahni zawn zawnah thahnemngaih a na hle hlawm a. Mi thenkhatin sports lama hmasawnna an vei em em laiin thenkhat chuan zai lamah thahnem an ngai hle thung a. Thenkhat chuan Cultural Dance te an buaipui a, an tui em em a. Nuam pawh an ti. Helama hmasawnna tur hi beng sikin an ngaihtuah thin a ni. Hetih lai hian mi thenkhat chuan nuihza fiamthu an lo buaipui a, nuihza siam lama hmasawn dan tur te pawh an ngaihtuah thin. Pathianin tui zawng inang lo tura min lo siam hi a tha em em a ni. Mi thenkhat chuan naupang hriselna leh himna an ngaihtuah buai em em laiin thenkhatin pianphunga rual ban lote chanvo an buaipui thung. Keini erawh chuan mitin nitin mamawh, a tel lo va kan awm theihloh Consumer Right kan buaipui ve thung a. Chu chu consumer-te chanvo tih hi a ni tawp mai. Thil leituin thil chhia a lei tur a ni lova, bungraw hmantlak loh a lei tur a ni hek lo, kan ti tawp mai a ni. Mipui kan tih mai thin, consumer-te chanvo leh dikna hi ngaih pawimawh ber tur a ni, kan ti leh tawp mai bawk a ni. He khawvelah hian hlim in lawm viau mah ila, thil leituten an chanvo an chan chuan si loh chuan keiniho hi chu kan hlim ve thei tak tak ngai lova. Lawmin hlim inti thin mah ila, kan lawm rei ngai lova, kan hlim chhung a rei ngai lova. Thil leituin a thil lei a lo that loh palh hlauhva, harsatna a lo neih chuan ngawih bopui mai lovin, chu a harsatna chu sutkian a nih theih nan Consumer Activistte chuan an tanpui vat thin a ni.
Sawi leh sawi hnu Consumer Protection Issue hi kum 26 zet kan lo buaipui ve ta reng mai a. Mi thenkhat chuan eng ualah an ngai lo a ni mai thei e. Dikna nei reng si,dikna hman tur awm reng si hman loh hi Sawrkar thu awih lohna pawh a ang hial a ni. Eng pawh chu lo ni ta reh reng se, ‘a tir ai chuan hma kan sawn hle’ tih chu hmuh dan tlangpui a ni.
Kei ve hi ka lo â fal deuh nge ni aw’ tiin ka inngaihtuah chang a tam ta mai. Vahluk thil sem an sawi ang maiin engmah neih nei hlei lo hian phak tawk te te a, consumer-te ka lo puih ve hian phone hman man tak ngial pawh ka la ngai lova, lak ka duh thin lova. Eng fee mah ka la ngai lo hi nuam ka tihna lai tak a ni tlat! Neih nei lo, nghei hlei lova ka awm hi ka lawmna a ni a ka vanneihna ka ti thin. Sawrkar sum hi ka um teh huam lova. Consumer Awareness lehkhabu ka lo buatsaih ve ta nual a. Zep thu a chang lova, Consumer Affairs Deptt-in bu 100 vel min leisak bak hi chu tangka a min tanpuina hi ka dawng lem lo. Pi Hriati IAS, mi chhuanawm tak hian FCS&CA Director a nih lai khan nasa takin ka lehkhabu buatsaih naah min phurpui a. Consumer-te Thian ka tlangzarhna a senso zawng zawng min ngaihtuahsak a. Hei bakah hian Department hman tur copy za zet min leisak bawk. Kawng dang a min support a tum hle laiin sawn chhuah a ni hlauh a. Mahse, hei tunah hian amah, Pi Hriati tluk zeta fel leh zâm tha Pi Ramdini MCS chu Consumer Affairs Director a lo ni veleh ta hlauh mai a. A vanneihthlak hle a ni. Ani, Pi Ramdini hi ATI-a Director a nih lai atang tawh khan kan lo ti ho tawh thin a. Administrative Training Institute-ah hian Consumer Protection Issue bikah Part-time Faculty in min awm tir ve a. Thu ka zu sawi thin a ni. Pi Dini hian ka lehkhabu 6-na chhuak mai turah hian message tha tak min ziahsak a. Ka lawm em em bawk a ni. Ani zarah hian Consumer-te thawvenna a thlen ngei ka beisei.
Thil dang buaipui lem lo nafam chu thil leitu leh hmangtu (consumer-te) zinga harsatna neite hnen atangin tanpui tura ngenna hi ka dawng ve deuh ta reng mai a. Theih ang tawkin fimkhur takin an harsatnate kan lo ngaihven thin a. Pathian tanpuinain kan chinfelsak ta thin a, kan lawm hle thin a ni. Consumer puih ngaite puitu nih hi, tlem te, chhete mah ni se, ka lawm em em zel a ni. Ka ngaihtuah chang hian hetiang thil ti thei a ka awm hi ka lawm veng veng a ni ber. Consumer thenkhat harsatnate sawipui tura ka va biak thin service provider leh dawrkaite pawh an lo inhawng a, thian thaa siam takte ka nei nual; min ngaina lo fe fe an awm lem lo! Hetiang thu ka sawi hi ka in-advertise-na a ni lo, tih chhiartute ka chah duh che u a ni. Ka hmalakna hi mitin min lo hriatpui se, min chawimawi se, ka ti hek lo. Ka duh ber chu mipui hian consumer kan nih anga dikna leh chanvo kan neihzia kan inhrilh hriatna mai chauh a ni e. Consumer-te hi tun thleng hian rah behin kan awm a. Sawrkarin thil man(rate) a bituk te chuan zawm a hlawh lo hle; entirnan two wheeler taxi te hian anmahni rate lo chu an hmang duh lo. Mipuiin an hria a, an phun liam mai mai! Kawtthlerah thil dik a let reng a, tuman an chhar duh si lo. Huneitu rate hmang lova,thuneitu lo zawk rate hmanna .ang State hi khawvela hmun dangah a tan lo khawp ang Phuahchawp mai mai a in nghat hman kan ni tawh love, kan ti a ni. Mipui zawhna chhan har tak chu Sawrkar nge lal Pawl? tih hi a ni. Consumer-te chu innghahna zawk tur inzawtin an insulpel mai mai a ni. Kristian ram hlim thla a ni miau si a.
Tum tumah hian consumer-te beng tivartu atan khu lama consumer-te thiam channa pahnih khat chauh ka tarlang a. Hetianga state danga Consumer Court thenkhat case chinfel dan ka han tarlan for chhan hi Zoram mipuite bengvar nan leh an lo tih ve for thin atan ti ka ni a. Internet ka hmuhte an ni nual hlawm a, rintlak turah ka ngai a ni. Kan sawi thin angin consumer-te hian kan thil tihna a kan lungawi lohnate leh kan lawm lohnate chu ngawih bopui mai lovin Activist-te kan hrilh a tha a. Pawl hruaitute pawh kan hriattir thin hi a fin thlak tak zet zet a ni.
Tun hnai lawka The Bombay High Court Judgement tih chhuahah chuan Consumer Protection Act 1986 thlak a Consumer Protection Act 2019 hman avang ringawtin Health Care Service hi service definition atanga paih ngawt theih a ni lo. Fimkhur lo taka dan lo enkawltu doctor chuan a service-ah mawh a phur ngei tur a ni a, service a chhiar tur a ni, tih a ni. Damdawi ina enkawl damlo(patient-te) hi consumer an ni.
*Fimkhur lo taka damlo pakhat khup ruh(knee) an zai sak(operated carelessly) avanga nunna chan ta chhungte hnenah Rs. 5 lakhs chawi turin Apollo Hospital Jubilee chu chawi tir a ni. He thubuai remna hi Telangana State Consumer Disputes Redressal Commission chuan a tichhuak a ni. He damlo(patient) hian hypertension a nei a, chuti chung chuan, a khup ruh chu zaisak a ni ta thi va, he damlo hi ni 20 chhung lekin a boral zui a ni.
“Gujarat State Consumer Disputes Redressal Commission pawhin tunhnai lawkah khan Surat City-a Hospital pakhat leh he Hospital a thawk Doctor pakhat chu Rs. 10 lakhs a chawitir. He hospital-ah hian nu pakhat chu raichehin a boral a. Fimkhur lo taka naute nu an zai(carelessly operated) avangin he naute nu hian a thih phah a ni. Dam lote hi consumer an ni a, Hospital leh Doctor-te hi service provider an ni.
Hetiang thu hian ka thu rawn chhawp chhuah te chu ka titawp ang. Harsatna i neih chuan min hrilh hreh suh. Nangmah pui turin kan inkau reng e.

Leave a Reply

error: Content is protected !!

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427