Lunglei a Mizoram tennis ranking tournament Er. CL Thangliana Lunglei Open 2021 chu Zirtawpni khan an khel zo.
Zauva Memorial Tennis Center a tennis inelna lianah hian Men’s category-a Mizoram No. 1 Innocent Lalrindika a champion leh a, vawi 4 zet NorthEast India champion lo ni tawh Lalrinawma lakah straight set-in hnehna a chang.
Hmeichhe lamah Sandhya Giri chuan inelna neih hnuhnung bera a hneh loh HT. Lalengmawii lakah phuba a la thei lova, Engmawii hian Ladies huanga Mizoram champion rei ber record ama siam chu a pawhsei belh.
Kum 35 chung lam inelnaah Bazar Veng player Lallawmsanga’n category 3 ngawta final lut thei Lalthanmawia lakah hnehna a chang a. Lawmsanga hi thla hnih liam ta khan Covid-in a tlakbuak a kutah hlian a nei a, tum dang angin khel ropui lo mahse hnehna a chang thei.
A khingpui Mamawia hian 35+ ah hnehna chang zo lo mahse 45+ ah C. Lalduhawma hnehin a champion a, Innocent Lalrindika nena inkawpin doubles title an la bawk.
Kum 55 chung lam inelnaah Vanlaltanpuia, Bazar Veng el pha an awm rih lova, a Kal (kidney) hial thlak tawh ni mahse an category-ah a kawng dal thei an la awm meuh lo.
Er. CL Thangliana Lunglei Open 2021
35+ : Lallawmsanga (LDTA) beat Lalthanmawia (ATC) 8-4
45+ : Lalthanmawia (ATC) beat C. Lalduhawma (LDTA) 8-3
55+ : Vanlatanpuia (LDTA) beat K.Lalthanmawia (ZTC) 8-1
U-14 Boys : K.Lalliantluanga (RTC) beat Rosangkima (BVT) 6-1
Doubles : Innocent Lalrindika & Lalthanmawia beat Rinawma & Joseph L. Khuma 8-5
U-18 Boys : Benjamin Zorinsanga (LDTA) beat Lalrinngheta Pachuau (ZTC) 8-3
U18 Girls : Lalrinsiami Sailo (LDTA) beat Hmingduhawmi (RTC) 8-5
Ladies : HT. Lalengmawii(THETA) beat Sandhya Giri (LDTA), 8-5
Men’s : Innocent Lalrindika (RTC) 6-3, 6-0 Lalrinawma (RTC)