Jammu & Kashmir thuneitute chuan Pathiannia People’s Democratic Party (PDP)-in Srinagar-a Mehbooba Mufti-i hova youth convention a huaihawt chu car bomb hmanga pung khawmte beih tumna a awm nia hriat vangin an thulhtir a, chief minister hlui erawh chuan a pawmpui lo va, BJP sorkarin a thiltih tum dan an tumnaah a puh.
Party worker-te chuan hetianga thuneitute thil tih hi an duh lo hle a, sorkar chuan a duhsak bikte chauh politics thila an chet vel a phalsak niin an sawi.
Police chuan Covid vanga pun khawm a la rem loh bakah thu an dawnah car bomb hmangin civil mite leh mi pawimawhte beih tumna a awm nia an hriat avangin an thulhtir niin an sawi.
Youth convention hi Mufti-i chenna, Gupkar road-a neih tura ruahman a ni a. Thulh fel a nih hnuah chief minister hlui hian a kawta thutna eng emaw zat ruak vek chu a fang kual a, sorkarin Covid chhuanlama a thiltih tur an dan dan a en kual a. Sorkar chuan Kashmir thalaite chu politics-a an tel vena tur an dan dan thar niin a sawi.
“Heng thutna ruakte hian Jammu & Kashmir dinhmun a lantir a. Thalaite nena kan inkawm tur chu he sorkar hian Covid chhuanlamin min thulhtir a; mahse, party dangin vantlang inkhawm an huaihawt erawh an dang ngai lo,” tiin video message a tihchhuahah a sawi.
Police erawh chuan beihna thleng thei an hriat ruk avangin mi pawimawh tak tak awm khawmna Gupkar road-a pun khawm chu a rem lo niin an sawi.
“IED phur lirtheiin civil mite leh mi pawimawhte thuthmun hi bei thei an ni tih hriat a ni a. Gupkar Road-ah hian pawl pawimawh tak tak awm khawmin venhimna pawh pek thatna a ni a. Hetiang kara mi pun khawma lirthei tam tak hun chu venhimna lam atan a hlauhawm lutuk a ni,” an ti.
Hetih lai hian Jammu & Kashmir-ah hian National Conference pawhin hmun hrang hrangah vantlang inkhawm a huaihawt reng a. Pathianni ngei pawh khan Omar Abdullah chuan Anantnag-ah party convention-ah hun a hmang a. Inrinni khan Baramulla district-ah hun hmangin thu a sawi bawk.
PDP leh National Conference hi Gupkar Alliance an tih, sorkar laipuiin kum 2019-a Jammu & Kashmir hung bikna a hlih tak hman leh nawrnaa tel dun ni mah se Mufti-i chuan sorkar chu hleihnei taka kalin party thenkhat intawh khawm phalsak an nih laiin anni an phal lo chu a hre thiam lo va, an party mite pawhin duh lohna an lantir nasa.