Mizo Film Award December 18, 2021 (Inrinni) zana sem tur chu mipuiin an hlut a, vote pawh a tla tha hle.
Award dawng tur thlannaah hian mipui vote-in 50% mark a keng dawn a, a bak 50% chu endiktute kutah a awm thung ang.
Award dawng thei tura thlanchhuahte hming hi puanzar a ni tawh a, mipuiin an duh awng an thlan theihna turin vote thlak theihna chhawpchhuah niin, Nominee te hi Mizo film industry-a hriat hlawh tak tak an ni bawk a, mipui pawhin an ngaihven.
Vote thlak theih hun hi December 15, 2021 (Nilaini) hian a tawp dawn a, hemi zan zan lai dar 12 thleng vote thlak theih a ni ang.
Vote thlak theihna link hi Explore Mizoram website-ah leh Tlau Entertainment YouTube leh Facebook Page-ahte dahchhuah a ni.