MPCC PRESIDENT BAN DILNA PAWM LEH BAN A LO NIH TAWH DAN

  • MC Lalrinthanga

Mizoram mai pawh ni lo, India State zawng zawng zinga PCC president ni rei ber Pu Lalthanhawla’n bân a dilna chu AICC president Pi Sonia Gandhi chuan ni 4 December, 2021 khân a pawm thu Mizoram Congress hotute chuan an puang a. Congress party hi Pu A. Thanglura’n a din tirh a\ang rengin neuh neuh a awm nghal a. Pu Hrangchhuana pâwl leh Pu R. Deng\huama pâwl ti tea sawi an lo ni tawh \hin.
Pu Lalthanhawla, Congress President-a thlan a nih hmasak ber khan Pu J. Lalsangzuala’n hetiang hian min hrilh \hin, “President kan han thlang a, Pu Hawla nen vote kan hmuh a inzah chiah a. R.O-in a puan veleh ka tlan phei a, Pu Lalthanhawla, MPCC president-a thlan a ni tiin ka puang a, inthlan nawn a ngai ta lo a ni,” tiin. Pu Sangzuala sawi ang chiah hian Pu F. Lawmkima, he inthlana R.O-in min hrilh bawk. Pu Hawla erawh chuan, thlan tlin nghal niin a insawi \hin.
AICC hruaitu Pi Indira Gandhi-te khan, Pu Lalthanhawla hruai ai chuan Mizo Union hruaitu Pu Ch. Chhunga te, Pu Saprawnga te khan Congress hruai zawk se tih an duh avangin Mizo Union hruaitute kha Congress-a lût turin, kawng tinrengin an thlem a. Kum 1974-ah khan Mizo Union party chu Congress party nen an inchhunfin (Merger) ta nge nge a, Pu Lalthanhawla chu MPCC president ni zêlin Pu Ch. Chhunga pawh Chief Minister a ni chhunzawm zêl a, mi huaisen, ram hmangaihtu dik tak Pu Ch. Chhunga khan Pu Lalthanhawla chu thawhpui tlakah a ngaih tlat loh avangin Pi Indira Gandhi hnenah khan, “Pu Lalthanhawla hi MPCC president a\anga i bân loh chuan, kan thawkho thei tawh lovang,” a tih tlat avang leh Pi Indira Gandhi khan Pu Chhunga leh Union hotute kha a duh zawk avangin, Pu Lalthanhawla chu a bân ta tawp mai a; Pi Indira Gandhi khan Pu Chhunga hnenah, “Tu nge president atan in duh a?” tia a zawh chuan, “Pu Hrangaia,” a ti a. Pu Hrangaia chu AICC chuan MPCC president atân an ruat nghal a. Pu Hrangaia kha, vai \awng leh sâp \awng thiam lo a ni a, chuvangin a kalna apiangah a \awng let turin Pu KL. Rochâma a hruai \hin.
Pu Ch. Chunga ngaihdan leh duh dan hi Mizoram Congress hruaitu lawk zawng zawng duh dan ni mah se, Pu Chhunga anga dinpui ngam hruaitu huaisen an awm loh avangin, Pu Lalthanhawla hian president a duh chen chen a chelh thei ta a ni ber mai kan ti thei âwm e (Mizoram congress lo pian chhuah dan a\ang khan sawi fiah vak a ngai âwm love).
Kum 1998 MLA inthlanpuiah congress party chu a ârte-lukawn lo chauh ta mai a, kei pawh Hnahthial bialah ding vein, ke vân vawr \hawtin ka tla a, hmar bial sawmhnih leh pariat (28)-ah, Saitual bialah vote ruk (6)-a hnehna changin MLA pakhat Congress-in a nei ve ta \awk a. Inthlan result puan hnua MPCC executive committee meeting kan neih hmasak ber, Congress office-ah chuan Pu Lalthanhawla’n inkhawm kaihruaiin, keiin minute bu-a minute-in secretary ka ni a, kan \hu dun a. MLA inthlana kan tlak hlim veleh khan, Pu Hawla’n AICC president hnênah MPCC President a\anga bânna a theh lut a ni tih leh, a bân dilna pawm a nih thute Pu Hawla leh Vice president ni lai Pu Sainghaka, Delhi-a koh an nih thute leh Pu Hawla a kal duh loh avanga Pu Sainghaka pawh kal lo a nih dan te lam, Pu Robert Lalchhuana’n a chanchinbu ROMEI-a a lo chhuah chu member \henkhatten sawi chhuakin, zawhna an siam a.
Pu Hawla a ngawih tlat avangin ka bula telephone chu ka la a, Pu Robert-a chu ka be ta a. ROMEI chanchinbua a chhuah dan leh a thu hriat dan te ka zawt a, Pu Robert-a chuan AICC hotuten an hrilh a nih dan leh “In duh a nih chuan nangni pawhin tunah khan inbe thei reng alawm…” tia min chhan dan chu meeting kalte hnênah chuan ka sawi a (Pu Robert-a hriat aia chiang zawka hretu kan hotute zingah an tam).
Hetia ka report hnu pawh hian Pu Hawla kha a ngâwi tûm hmuk reng a, mi tlêm te (an hming chu sawi rih lo ila) te chuan, “Pu Hawla pawh i ti mak lutuk, MPCC meeting hian Pu Hawla’n bânna a theh luh hi kan pawm lova, a bân pawmna hi sût leh ni rawh se, tiin thirhrui i thawn ang u,” tiin an insawi chhawk chhen ta mai a. Hotu tlêm te-in, “Ngawih rih a \ha lo maw?” an ti ve bauh bauh a, thu mumal sawi lova an indin chhawk chhen lai chuan, mi paruk (6) vel te chu room leh lama lûtin AICC-a lehkha thawn tur, a rukin an lo buatsaih a lo ni a, tichuan, an lehkha buatsaih chu rawn lek chhuakin, “Hetiang hian AICC-ah lehkha i thawn ang u,” tiin Pu Lalkhama’n a chhiar chhuak a, a chhiar lai hian member tam zawk chu chhuah tumin an ding \hup tawh a ni.
Ni 28 December, 1998-ah MPCC executive meeting kan nei leh ta a, he meeting-ah hian ni 24 December, 1998-a Pi Sonia Gandhi-i’n Pu Hawla’n president a\anga bân a dilna a pawm lohna lehkha chu phûr takin Pu Lalbiakzuala, a political adviser (Asst. L.O New Delhi-a a dah \hin, a zin chânga a ei leh in tur leh a mutna tur…, engkim buatsaihsaktu) khan member zawng zawng a copy phûr takin min pe a.
Pu Lalthanhawla, a tar chak loh tâk hnua bânna a theh lût ang hian India ram leh Mizoram-in Congress hruaitu \ha tak tak a neih vanglai khan bânna hi kan ram leh hnam leh Congress Party \hat duhna avangin lo theh lût ngam sela chuan, Mizoram hi tun ang mai maiin kan awm lo ang a, Mizoram Congress sorkar pawh kha hmingchhe êm êmin a hun a hmang ral lovang.

Leave a Reply

error: Content is protected !!

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427