Naupangte a nih laia film dukdak lo (porn) a en nasat vangin a thluak a chhiat pah vek niin, Billie Eilish-i’n a sawi.
Kum 20-na lawm zo hlim hlawl zaithiam lar tak hian Howard Stern Show, ‘Sirius XM’ ah, “Heti ang film duk dak lo (porn) hi thil zahpuiawm tak a niin ka hria. Zep lovah chuan, ka naupan lai (kum 11 mi vel) khan ka en tan a, tun thleng hian nghawng tha lo a la pai reng a ni,” a ti. Sawi chhunzawmin, “Thil chin tha lo tak khan ka thluak leh ngaihtuahna a tihchhe vekin ka hria a, ka khawvel kha a \awphnawk hman hle. A chhan ber chu porn ka en nasat vang,” a ti bawk.
A album hit tak, ‘Happier Than Ever’ a, ‘Male Fantasy’ hla mak danglam tak chungchang zawhna chu Billie hian a ruh langin a chhâng.
COVID-19 vangin thi teuh
Hetih lai hian, kumin kumtir lama Covid-19 hripuiin na taka a beih thu pawh sawi telin, vaccine la full tawh a ni chungin a la nâ.
“Vaccine kha la full lo ila chu ka damchhuah pawh ka ring lo. Ka dinhmun a chau viau hman. Side effect phei chu a hnu thla thum thleng khan ka tuar chhunzawm a, ka nuamsam lo rei hle,” tiin a sawi.